കൊല്‍ക്കത്ത: വടക്കന്‍ കൊല്‍ക്കത്തയിലെ ആര്‍ജി കാര്‍ ഗവണ്‍മെന്റ് ഹോസ്പിറ്റലിലെ ട്രെയിനി ഡോക്ടറെ ബലാത്സംഗം ചെയ്ത് കൊലപ്പെടുത്തിയ കേസില്‍ അറസ്റ്റിലായ സഞ്ജയ് റോയ് സിവില്‍ വോളന്റിയര്‍ എന്ന നിലയില്‍ പോലീസുമായി അടുത്ത ബന്ധം പുലര്‍ത്തിയിരുന്നയാളാണെന്ന് ആദ്യ ഭാര്യമാരില്‍ ഒരാളുടെ വെളിപ്പെടുത്തല്‍. സഞ്ജയ് നാല് തവണ വിവാഹിതനായിട്ടുണ്ട്. മൂന്നു ഭാര്യമാരും അയാളെ ഉപേക്ഷിച്ചു പോയെന്ന് അയല്‍വാസികളും പറഞ്ഞു. നാലാമത്തെ ഭാര്യ കഴിഞ്ഞ വര്‍ഷം ക്യാന്‍സര്‍ ബാധിച്ച് മരിക്കുകയായിരുന്നു. മദ്യലഹരിയിലാണ് ഇയാള്‍ വീട്ടില്‍ എത്താറുള്ളതെന്നും അവര്‍ പറയുന്നു. പൊലീസുമായുള്ള അടുപ്പം മുതലെടുത്ത് പോലീസില്‍ ജോലി നല്‍കാമെന്ന് പറഞ്ഞ് നിരവധിപേരെ ഇയാള്‍ കബളിപ്പിച്ചിട്ടുണ്ട്.
ആശുപത്രിയിലെ സെമിനാര്‍ ഹാളിലാണ് 31 കാരിയായ ഡോക്്ടറുടെ മൃതദേഹം കണ്ടെത്തിയത്. അവരുടെ സ്വകാര്യ ഭാഗങ്ങളില്‍ നിന്ന് രക്തസ്രാവമുണ്ടായിരുന്നെന്നും ശരീരത്തിന്റെ മറ്റ് ഭാഗങ്ങളില്‍ മുറിവുകളുണ്ടായിരുന്നെന്നും പോസ്റ്റുമോര്‍ട്ടം റിപ്പോര്‍ട്ടില്‍ പറയുന്നു.
പ്രതികരിക്കാൻ ഇവിടെ എഴുതുക: