മലപ്പുറം : മുസ്ലിംലീഗ് നേതാവും, മുന് മന്ത്രിയുമായ കുട്ടി അഹമ്മദ് കുട്ടി(71) അന്തരിച്ചു.കുറച്ചുകാലം മുമ്പ് ഉണ്ടായ അപകടത്തെ തുടര്ന്ന് സജീവ രാഷ്ട്രീയ പ്രവര്ത്തനത്തില് നിന്ന് വിട്ടുനില്ക്കുകയായിരുന്നു അദ്ദേഹം .
2004 ല് ഉമ്മന്ചാണ്ടി മന്ത്രിസഭയില് തദ്ദേശ വകുപ്പ് മന്ത്രിയായിരുന്നു. മൂന്നുതവണ എംഎല്എയായി . താനൂര്, തിരൂരങ്ങാടി എന്നിവിടങ്ങളില് നിന്നായിരുന്നു നിയമസഭയിലെത്തിത്.
1982 മുതല് 84 വരെയും 1988 മുതല് 90 വരെയും താനൂര് പഞ്ചായത്ത് പ്രസിഡന്റായിരുന്നു. മുസ്ലിംലീഗ് താനൂര് മണ്ഡലം അദ്ധ്യക്ഷന്, എസ്.ടി.യു മലപ്പുറം ജില്ലാ പ്രസിഡന്റ്, മലപ്പുറം ജില്ലാ പൊതുമരാമത്ത് സ്റ്റാന്ഡിംഗ് കമ്മിറ്റി ചെയര്മാന് എന്നീ പദവികള് വഹിച്ചിരുന്നു.
