വയനാട് : കനത്ത മഴയുടെ പശ്ചാത്തലത്തില് ദുരന്തമേഖലയിലെ ഞായറാഴ്ചത്തെ തിരച്ചില് അവസാനിപ്പിച്ചു. പുഞ്ചിരിമട്ടം, മുണ്ടക്കൈ, അട്ടമല എന്നിവിടങ്ങളിലാണ് തെരച്ചില് അവസാനിപ്പിച്ചത്.
അട്ടമലയിലെ തെരച്ചിലിനിടെ രണ്ട് എല്ലിന് കഷ്ണം ലഭിച്ചു. ഇവ പരിശോധനക്കായി മാറ്റിയിട്ടുണ്ട്. മൃഗത്തിന്റെതാണോ അതോ മനുഷ്യന്റെതാണോ എന്ന് സ്ഥിരീകരിച്ചിട്ടില്ല.
പരപ്പന്പാറയില് വീണ്ടും മൃതദേഹ ഭാഗങ്ങള് കണ്ടെത്തി. കഴിഞ്ഞദിവസം നാല് മൃതദേഹങ്ങള് കണ്ടെത്തിയിരുന്നു.കാന്തന്പാറക്ക് താഴെയാണ് ഈ പ്രദേശം. ഇന്ന് രാവിലെയാണ് ഇവിടെ തെരച്ചില് തുടങ്ങിയത്.
