ആലപ്പുഴ: ചെങ്ങന്നൂരില്‍ പൊലീസ് ഉദ്യോഗസ്ഥര്‍ക്കു നേരെ കുരുമുളക് സ്‌പ്രേ പ്രയോഗിച്ചയാള്‍ അറസ്റ്റില്‍. വെണ്‍മണി പുന്തലത്താഴം മേലാംപള്ളില്‍ വിനീഷ് മോഹനെയാണ് അറസ്റ്റ് ചെയ്തത്. സ്ഥിരമായി വെണ്‍മണി സ്റ്റേഷനിലേക്ക് ഫോണ്‍ വിളിച്ച് ഇയാള്‍ സ്റ്റേഷന്‍ ഹൗസ് ഓഫിസറെയും മറ്റു ഉദ്യോഗസ്ഥരെയും അസഭ്യം പറയാറുണ്ടായിരുന്നുവെന്ന് പൊലീസ് പറഞ്ഞു. ഇത് അന്വേഷിക്കാന്‍ പൊലീസ് യുവാവിന്റെ വീട്ടിലെത്തിയപ്പോഴായിരുന്നു സംഭവം്.
വാതില്‍ തുറന്ന് പുറത്തിറങ്ങിയ വിനീഷ് അസഭ്യം പറഞ്ഞ് സ്റ്റേഷന്‍ ഹൗസ് ഓഫിസര്‍ എം സി അഭിലാഷ്, സി പി ഒ ശ്യാം എന്നിവരുടെ മുഖത്തും കണ്ണിലും കുരുമുളക് സ്‌പ്രേ ചെയ്യുകയായിരുന്നു. പൊലീസ് മല്‍പിടിത്തത്തിലൂടെയാണ് വിനീഷിനെ കീഴ്‌പ്പെടുത്തിയത്.
പ്രതികരിക്കാൻ ഇവിടെ എഴുതുക: