തിരുവനന്തപുരം: ശ്രീകാര്യം പൗഡിക്കോണത്ത് കൊലക്കേസ് പ്രതിയെ വെട്ടി പരിക്കേല്പ്പിച്ചു.കുറ്റിയാണി സ്വദേശി വെട്ടുകത്തി ജോയിക്കാണ് വെട്ടേറ്റത്.
കാറിലെത്തിയ മൂന്നംഗ സംഘമാണ് ജോയിയെ വെട്ടി പരിക്കേല്പ്പിച്ചത്. വെളളിയാഴ്ച രാത്രി ഒമ്പതു മണിയോടെ പൗഡിക്കോണം സൊസൈറ്റി ജംഗ്ഷനിലായിരുന്നു സംഭവം. പൗഡിക്കോണം വിഷ്ണു നഗറില് വാടകയ്ക്ക് താമസിച്ചു വരികയാണ് ജോയ്.
കാപ്പ കേസില് ജയിലിലായിരുന്ന വെട്ടുകത്തി ജോയ് രണ്ടുദിവസം മുന്പാണ് പുറത്തിറങ്ങിയത്. ഓട്ടോറിക്ഷയിലെത്തിയ ജോയിയെ കാറില് എത്തിയ സംഘം സൊസൈറ്റി ജംഗ്ഷനില് വച്ച് വെട്ടുകയായിരുന്നു.
രണ്ടുകാലിലും ഗുരുതരമായി പരിക്കേറ്റു. ജോയിയെ തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ചു.അക്രമി സംഘത്തെ തിരിച്ചറിഞ്ഞതായി ശ്രീകാര്യം പൊലീസ് അറിയിച്ചു.
