ന്യൂദല്ഹി: ഇടത് പക്ഷ-ഇന്ത്യാമുന്നണി അജണ്ട നടപ്പാക്കുന്ന രാജ് ദീപ് സര്ദേശായി മാധ്യമപ്രവര്ത്തകനല്ല, രാഷ്ട്രീയപ്രചാരകന് തന്നെയാണെന്ന് ബിജെപി നേതാവ് ഷാസിയ ഇല്മി. തന്റെ മുന്കൂര് അനുമതിയില്ലാതെ തന്റെ വീഡിയോ ഇന്റര്നെറ്റില് കയറ്റിയതു വഴി തന്റെ പ്രതിച്ഛായ തകര്ത്തു എന്ന് ആരോപിച്ച് രാജ് ദീപ് സര്ദേശായിക്കെതിരെ ദല്ഹി ഹൈക്കോടതിയില് ഷാസിയ ഇല്മി അപകീര്ത്തി കേസ് നല്കി.
കേസില് വാദം കേട്ട ദല്ഹി ഹൈക്കോടതി ഈ വീഡിയോ ഹാജരാക്കാന് രാജ് ദീപ് സര്ദേശായിയോട് ആവശ്യപ്പെട്ടു. രാജ് ദീപ് സര്ദേശായി ജോലി ചെയ്യുന്ന സ്ഥാപനമായ ഇന്ത്യാ ടുഡേയോടും ഈ വീഡിയോ നല്കാന് ഹൈക്കോടതി ആവശ്യപ്പെട്ടിരിക്കുകയാണ്.
രാജ് ദീപ് സര്ദേശായി മാധ്യമപ്രവര്ത്തകനല്ല, രാഷ്ട്രീയ പ്രചാരകന് തന്നെയാണെന്ന ആരോപണം ഷാസിയ ഇല്മി ആവര്ത്തിച്ചു.
