കണ്ണൂര്‍: സെന്‍ട്രല്‍ ജയിലില്‍ തടവുകാരന്‍ തലയ്ക്കടിയേറ്റ് മരിച്ച സംഭവത്തില്‍ സഹതടവുകാരന്‍ അറസ്റ്റില്‍. പാലക്കാട് സ്വദേശി വേലായുധനെയാണ്(71) ടൗണ്‍ പൊലീസ് അറസ്റ്റ് ചെയ്തത്.
കഴിഞ്ഞ ഞായറാഴ്ചയാണ് ഊന്നുവടി കൊണ്ടുളള അടിയേറ്റ് കോളയാട് സ്വദേശി തടവുകാരന്‍ കരുണാകരന്‍ (86) കൊല്ലപ്പെട്ടത്. ഇരുവരും തമ്മിലുള്ള വാഗ്വാദത്തെ തുടര്‍ന്നായിരുന്നു കൊലപാതകം.
വടി കൊണ്ടുള്ള അടിയേറ്റതാണ് മരണത്തിന് കാരണമായതെന്ന് പോസ്റ്റ്‌മോര്‍ട്ടം റിപ്പോര്‍ട്ടില്‍ പറയുന്നു. ഭാര്യയെ കൊലചെയ്ത കേസില്‍ ശിക്ഷ അനുഭവിക്കുകയാണ് വേലായുധന്‍.
