യുവാക്കളെ കുത്തിക്കൊല്ലാൻ ശ്രമിച്ച പ്രതി അറസ്റ്റിൽ

ആലുവ : വധശ്രമം പ്രതി പിടിയിൽ. കുഴുപ്പിള്ളി പള്ളത്താംകുളങ്ങര പടിഞ്ഞാറ് മഠത്തിൽ വീട്ടിൽ ഷാബിൻ കുമാർ (25) ആണ് ഞാറക്കൽ പോലീസിന്റെ പിടിയിലായത്.

എളങ്കുന്നപ്പുഴ വളപ്പ് ഭാഗത്ത് യുവാക്കളെ കുത്തിപ്പരിക്കേൽപ്പിച്ച് ഒളിവിൽ പോയിരിക്കുകയായിരുന്നു ഇയാൾ.  ആക്രമണത്തിന് ശേഷം ഒളിവിൽ പോയിരുന്ന പ്രതിയെ ശാസ്ത്രീയ അന്വേഷണത്തിന് ഒടുവിലാണ് ഞാറക്കൽ പോലീസ് അറസ്റ്റ് ചെയ്തത്.

മുനമ്പം ഡി.വൈ.എസ്.പി എസ് .ജയകൃഷ്ണന്റെ നിർദ്ദേശാനുസരണം ഇൻസ്പെക്ടർ സുനിൽ തോമസ്, സബ് ഇൻസ്പെക്ടർമാരായ വിജയകുമാർ, അഖിൽ, കെ.കെ.ദേവരാജ്, കെ.ജി പ്രിജൻ എന്നിവർ ചേർന്നാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.