വിനേഷ് ഫോഗട്ട് വിജയിയും ചാമ്പ്യനുമാണ് , മുമ്പത്തേക്കാൾ ശക്തമായി മടങ്ങി വരണമെന്ന് യോഗി ആദിത്യനാഥ്

ലഖ്‌നൗ: വിനേഷ് ഫോഗട്ട് എല്ലാ ഇന്ത്യക്കാരുടെയും അഭിമാനമാണെന്നും അവർ വിജയിയും ചാമ്പ്യനുമാണെന്നും ഉത്തർപ്രദേശ് മുഖ്യമന്ത്രി യോഗി ആദിത്യനാഥ് പറഞ്ഞു.

“വിനേഷ് ഫോഗട്ട് ജി, നിങ്ങൾ എല്ലാ ഇന്ത്യക്കാർക്കും അഭിമാനമാണ്, ഒരു ജേതാവാണ്, ഒരു ചാമ്പ്യനാണ്. നിരാശപ്പെടരുത്. പാരീസ് ഒളിമ്പിക്‌സ്-2024-ലെ നിങ്ങളുടെ മികച്ച പ്രകടനം ആഗോളതലത്തിൽ ഭാരതമാതാവിനെ സുവർണ്ണ പ്രഭകൊണ്ട് പ്രകാശിപ്പിച്ചു. പ്രതീക്ഷ മാത്രമല്ല, മുമ്പത്തേക്കാൾ ശക്തമായി നിങ്ങൾ ഉടൻ തന്നെ ഫീൽഡിലേക്ക് മടങ്ങിവരുമെന്ന് എനിക്ക് പൂർണ്ണ ആത്മവിശ്വാസമുണ്ട്. രാജ്യം മുഴുവൻ നിങ്ങൾക്കൊപ്പം നിൽക്കുകയാണ്,” – എക്‌സിൽ ഒരു പോസ്റ്റിൽ ആദിത്യനാഥ് പറഞ്ഞു.

ഈയിനത്തിൽ സ്വർണമെഡൽ പോരാട്ടത്തിനെത്തുന്ന ആദ്യ ഇന്ത്യൻ വനിതാ ഗുസ്തിക്കാരിയായി ഫോഗട്ട് ചരിത്രമെഴുതി. വനിതാ ഗുസ്തി 50 കിലോ വിഭാഗത്തിൽ നിന്ന് വിനേഷ് ഫോഗട്ടിനെ അയോഗ്യയാക്കിയ വാർത്ത ഖേദത്തോടെയാണ് ഇന്ത്യൻ സംഘം പങ്കുവെച്ചത്. രാത്രി മുഴുവൻ ടീം പരമാവധി ശ്രമിച്ചിട്ടും, രാവിലെ മത്സര സമയത്ത് അവരുടെ ഭാരം 50 കിലോഗ്രാമിൽ കൂടുതലായിരുന്നു.