പാരീസ്: ഭാരതത്തിന് ചരിത്ര സ്വര്ണം സമ്മാനിച്ച പുരുഷ ജാവലിന് ത്രോ താരം നീരജ് ചോപ്ര ഇന്ന് യോഗ്യതാ മത്സരത്തിനിറങ്ങും. ഉച്ചയ്ക്ക് 1.50ന് ആരംഭിക്കുന്ന മത്സരത്തില് നീരജിനൊപ്പം ഭാരതത്തിനായി കിഷോര് ജെനയും മത്സരിക്കും.
മൂന്ന് വര്ഷം മുമ്പ് ടോക്കിയൊ ഒളിംപിക്സില് 87.58 മീറ്റര് ദൂരത്തില് ജാവലിന് എത്തിച്ചുകൊണ്ടാണ് നീരജ് ചിരത്ര സ്വര്ണം നേടിത്. ഒളിംപിക്സിന്റെ അത്ലറ്റിക്സില് ഭാരതത്തിന്റെ ആദ്യ മെഡലായിരുന്നു അത്. ഇതിന് ശേഷം തൊട്ടടുത്ത വര്ഷം താരം യൂജീനില് നടന്ന ലോക അത്ലറ്റിക്സ് ചാമ്പ്യന്ഷിപ്പില് വെള്ളി നേടി. കഴിഞ്ഞ വര്ഷം ബുഡാപെസ്റ്റില് ഈ നേട്ടം സ്വര്ണമായി ഉയര്ത്തി. അതും ചരിത്ര നേട്ടമായിരുന്നു. ലോക അത്ലറ്റിക്സ് ചാമ്പ്യന്ഷിപ്പില് ആദ്യമായാണ് ഭാരത താരം സ്വര്ണം നേടിയത്.
