ഹിന്ദു യുവതിയെ തട്ടിക്കൊണ്ടുപോയി രണ്ട് മാസത്തോളം ബന്ദിയാക്കി : പിന്നാലെ പീഡനവും , ഇസ്ലാമിക മതപരിവർത്തനവും ; യുവാവ് അറസ്റ്റിൽ

ബറേലി ; ഹിന്ദു യുവതിയെ തട്ടിക്കൊണ്ടുപോയി നിർബന്ധിത ഇസ്‌ലാമിക മതപരിവർത്തനത്തിന് വിധേയമാക്കിയ സംഭവത്തിൽ യുവാവ് അറസ്റ്റിൽ .സിബിഗഞ്ച് സ്വദേശിയായ സൽമാനാണ് പിടിയിലായത് . മാസങ്ങൾ നീണ്ട അന്വേഷണങ്ങൾക്ക് ശേഷമാണ് സൽമാനെ പോലീസ് അറസ്റ്റ് ചെയ്യുകയും , ബന്ദിയാക്കിയ പെൺകുട്ടിയെ രക്ഷപെടുത്തുകയും ചെയ്തത് . ബറേലിയിൽ നിന്ന് തട്ടിക്കൊണ്ടുപോയ യുവതിയെ ഹരിയാനയിലും ഹിമാചലിലും ബന്ദിയാക്കി പാർപ്പിച്ചിരിക്കുകയായിരുന്നു.

ബറേലിയിലെ സുഭാഷ്‌നഗർ പോലീസ് സ്റ്റേഷൻ പരിധിയിലെ താമസക്കാരിയായ യുവതിയെയാണ് സൽമാൻ തട്ടിക്കൊണ്ടുപോയത്. . പിന്നാലെ യുവതിയെ ക്രൂര ബലാത്സംഗത്തിനിരയാക്കി. ക്രിമിനൽ പശ്ചാത്തലമുള്ള സൽമാൻ യുവതിയെ ഏറെ നാളായി പിന്തുടരുകയായിരുന്നു. 2024 മെയ് 9 നാണ് ,യുവതിയെ തട്ടിക്കൊണ്ടുപോയത് .

മകളെ സാഹചര്യത്തിൽ കാണാതായതോടെ വീട്ടുകാർ പോലീസിൽ പരാതി നൽകി. പോലീസ് അന്വേഷണം തുടങ്ങിയപ്പോഴാണ് യുവതിയെ തട്ടിക്കൊണ്ടുപോയതായി വ്യക്തമായത് .സംശയം തോന്നി സൽമാന്റെ കോൾ വിവരങ്ങൾ പരിശോധിച്ചപ്പോഴാണ് സത്യം പുറത്ത് വന്നത് . പെൺകുട്ടിയെ തട്ടിക്കൊണ്ടുപോയ ശേഷം സൽമാൻ ബറേലിയിൽ നിന്ന് രക്ഷപ്പെട്ടിരുന്നു. ഇടയ്‌ക്ക് ഹരിയാനയിലേക്കും ചിലപ്പോൾ ഹിമാചലിലേക്കും തന്റെ താവളം മാറ്റിക്കൊണ്ടിരുന്നു.

സൽമാൻ പെൺകുട്ടിയെ നിർബന്ധിച്ച് മതം മാറ്റുകയും ഭീഷണിപ്പെടുത്തി വിവാഹം കഴിച്ച ശേഷം മറിയം എന്ന് പേരിടുകയും ചെയ്തു. അതിനിടെ, സൽമാനെക്കുറിച്ച് പോലീസിന് കൃത്യമായ വിവരം ലഭിച്ചതോടെ ബറേലിയിലെ ഒളിത്താവളത്തിൽ റെയ്ഡ് നടത്തി. സൽമാനെ സംഭവ സ്ഥലത്ത് നിന്ന് പിടികൂടി. യുവതിയെയും അവിടെ നിന്ന് കണ്ടെത്തി. തട്ടിക്കൊണ്ടുപോകൽ, ബലാത്സംഗം, പോക്‌സോ നിയമം, നിർബന്ധിത മതപരിവർത്തനം തുടങ്ങിയ കേസുകളിൽ സൽമാനെതിരെ എഫ്ഐആർ രജിസ്റ്റർ ചെയ്തിട്ടുണ്ടെന്ന് പോലീസ് ഓഫീസർ സന്ദീപ് സിംഗ് പറഞ്ഞു.