സിംല : ഹിമാചല്‍ പ്രദേശിലെ മൂന്നു ജില്ലകളില്‍ മേഘവിസ്‌ഫോടനത്തിന്റെ പശ്ചാത്തലത്തിലുണ്ടായ മിന്നല്‍ പ്രളയത്തില്‍ മരിച്ചവരുടെ സംഖ്യ 11 ആയി. കുള്ളുവിലെ നിര്‍മന്ദ്, സൈന്‍ജ്, മലാന, മണ്ഡിയിലെ പാഥര്‍, സിംലയിലെ റാംപുര്‍ സബ്ഡിവിഷന്‍ എന്നിവിടങ്ങളില്‍ ജൂലായ് 31ന് രാത്രിയായിരുന്നു മേഘവിസ്‌ഫോടനം.ഇനിയും 40 പേരെ കണ്ടെത്താനായിട്ടില്ല.
സ്‌നിഫര്‍ നായ്‌ക്കളെ ഉള്‍പ്പെടെ ഉപയോഗിച്ചുളള രക്ഷാപ്രവര്‍ത്തനം തുടരുന്നു. റാംപുര്‍ സബ്ഡിവിഷനിലെ സര്‍പാറ ഗ്രാമത്തില്‍നിന്ന് 30ല്‍ അധികം പേരെയാണ്കാണാതായത്.
പ്രളയം ബാധിതര്‍ക്ക് അടിയന്തര സഹായമായി 50,000 രൂപ സംസ്ഥാന സര്‍ക്കാര്‍ അനുവദിച്ചു. അടുത്ത മൂന്നുമാസത്തേക്ക് ഇവര്‍ക്ക് വാടകയിനത്തില്‍ 5000 രൂപയും പാചകവാതകം, ഭക്ഷണം, മറ്റ് അവശ്യ വസ്തുക്കള്‍ എന്നിവയും നല്‍കും.
പ്രതികരിക്കാൻ ഇവിടെ എഴുതുക: