കടുത്ത വയറുവേദനയെ തുടർന്ന് ആശുപത്രിയിൽ പ്രവേശിപ്പിച്ച യുവാവിന്റെ അന്നനാളത്തിൽ കണ്ടെത്തിയത് ജീവനുള്ള ഈല് മത്സ്യത്തെ . വിയറ്റ്നാമിൽ താമസിക്കുന്ന ഇന്ത്യക്കാരനായ മുപ്പത്തിയൊന്നുകാരനാണ് ഈലിനെ മലദ്വാരത്തിലൂടെ ഉള്ളില് കടത്തിയത് . 25 ഇഞ്ച് നീളവും നാലിഞ്ച് വീതിയുമുള്ള ഈല് മത്സ്യത്തെയാണ് ഡോക്ടർമാർ സാഹസികമായി പുറത്തെടുത്തത്.
ജൂലായ് 27നാണ് അതികഠിനമായ വേദനയുമായി യുവാവ് ഹനോയിലെ ആശുപത്രിയിലെത്തിയത്. അന്ന് തന്നെയാണ് യുവാവ് ജീവനുള്ള ഈലിനെ ഉള്ളില് കടത്തിയതെന്നും ഉള്ളിലകപ്പെട്ട മത്സ്യം രക്ഷപ്പെടാനായുള്ള ശ്രമത്തില് യുവാവിന്റെ മലാശയവും വന്കുടലും കടിച്ചു മുറിക്കുകയും അന്നനാളത്തില് കടക്കുകയുമായിരുന്നുവെന്നും ഡോക്ടര്മാര് പറഞ്ഞു.
എക്സ്റേ ഉള്പ്പെടെയുള്ള പരിശോധനകളില് യുവാവിന്റെ ആമാശയത്തില് ഈൽ കുടുങ്ങിയതായി കണ്ടെത്തി. അതിനെ മലദ്വാരത്തിലൂടെ തന്നെ പുറത്തെത്തിക്കാമെന്നും ഡോക്ടര്മാര് കരുതി. എന്നാല് മലദ്വാരത്തില് ചെറുനാരങ്ങ കൂടി കുടുങ്ങിയതായി കണ്ടെത്തിയതിനെ തുടർന്ന് അടിയന്തരശസ്ത്രക്രിയ നടത്തുകയായിരുന്നു. പരിക്കേറ്റതിനെത്തുടർന്ന് യുവാവിന് കോളസ്റ്റമിയും ചെയ്തതായി ന്യൂയോര്ക്ക് പോസ്റ്റില് പറയുന്നു.
