ആലുവ: കര്ക്കടക വാവ് ബലിയോടനുബന്ധിച്ച് സ്നാനഘട്ടങ്ങളിലും ക്ഷേത്രങ്ങളിലും വന് തിരക്കാണ് അനുഭവപ്പെട്ടത്.പിതൃപുണ്യത്തിനായി ലക്ഷക്കണക്കിന് പേരാണ് ബലിതര്പ്പണം നടത്തിയത്.
ആലുവ ശിവരാത്രി മണപ്പുറത്ത് ഇത്തവണ 45 ബലിത്തറകളാണ് സജ്ജമാക്കിയിരുന്നത്. കനത്ത മഴയെ തുടര്ന്ന് ആലുവ ശിവരാത്രി മണപ്പുറം പൂര്ണമായി മുങ്ങിയിരുന്നു. ക്ഷേത്രത്തിന് ചുറ്റും പുഴയോരത്തും ചെളി അടിഞ്ഞിരിക്കുന്നതിനാല് പാര്ക്കിംഗ് ഏരിയയിലാണ് ബലിത്തറകള് ഒരുക്കിയത്.
ആലുവ ക്ഷേത്രത്തിലേക്കും പുഴയിലേക്കും ഭക്തര്ക്ക് പ്രവേശനം ഉണ്ടാകില്ലെന്ന് നേരത്തേ തന്നെ ക്ഷേത്ര ഭരണസമിതി വ്യക്തമാക്കിയിരുന്നു. സംസ്ഥാനമെമ്പാടും വിവിധ കേന്ദ്രങ്ങളില് ബലിതര്പ്പണം നടന്നു.
