ചൂരല്മല: വൈകിവന്ന വയനാട് എംപിയോട് രോഷം. ചെളിപറ്റാത്ത ഖദര്ധാരികളോട് രോഷം….ഇതെല്ലാം പ്രകടമാക്കിക്കൊണ്ടുള്ള ചൂരല്മലയിലെ ഒരു കോണ്ഗ്രസ് യുവാവിന്റെ രോഷം വൈറലാകുന്നു.
വോട്ട് വാങ്ങി ജയിച്ചിട്ട് ജനങ്ങളുടെ ജീവനുവേണ്ടി ഒന്നും ചെയ്തില്ലെങ്കിൽ ഇതുപോലെ വോട്ട് ചെയ്തവർ തന്നെ തടഞ്ഞെന്നു വരും… ചൂരൽമല നിവാസികൾ രാഹുലിന്റെ വാഹനം തടയുന്നു 😱.. pic.twitter.com/uNYneZ1Gki
— Sreeja.C (@SreejaCNair2) August 2, 2024
ചൂരല്മലയിലേക്ക് ഇപ്പോള് ഇവിടെ നിന്നും ജയിച്ച എംഎല്എയും എംപിയും വേണ്ട. അവരാരും ഇപ്പൊ ഇങ്ങട്ട് വരണ്ട. ഞാനും ഒരു കോണ്ഗ്രസുകാരനാണ്. -യുവാവ് പറയുന്നു.
ചൂരല്മലയിലേക്ക് പോകാന് സൈന്യം നിര്മ്മിച്ച പാലത്തിലൂടെ വരാന് ശ്രമിക്കുമ്പോഴാണ് കോണ്ഗ്രസ് രാഷ്ട്രീയ നേതാക്കളുടെ വണ്ടി രോഷാകുലനായ ചെറുപ്പക്കാരന് തടഞ്ഞത്. മരണവും ദുരന്തവും കണ്ട് പൊറുതിമുട്ടി സ്വാഭാവികമായും കോണ്ഗ്രസ് രാഷ്ട്രീയക്കാരുടെ കപടനാട്യത്തോടുള്ള ഒരു സാധാരണക്കാരന്റെ പ്രതികരണമായിരുന്നു ഇവിടെ കണ്ടത്.
രാഹുല് ഗാന്ധി ഉള്പ്പെടെയുള്ള കോണ്ഗ്രസ് നേതാക്കള് ചൂരല്മലയിലേക്ക് വരണ്ട…അവര് മേപ്പാടിയിലെ ക്യാമ്പിലേക്ക് പോട്ടെ….യുവാവ് രോഷം കൊള്ളുന്നു. സിദ്ദിഖിനോടും ഈ യുവാവ് അമര്ഷം പ്രകടിപ്പിക്കുന്നുണ്ട്.
അഞ്ച് മിനിറ്റ് വണ്ടി നിര്ത്ത്…കുറച്ച് കാര്യങ്ങള് പറയാനുണ്ട് എന്ന് രാഹുല് ഗാന്ധിയുടെ വണ്ടി തടഞ്ഞ് യുവാവ് പ്രതികരിക്കുന്നുണ്ട്. എന്നാല് യുവാവിന്റെ അമര്ഷം കാര്യമാക്കാതെ രാഹുല് ഗാന്ധിയുടെ വാഹനം കടന്നുപോവുകയായിരുന്നു. വയനാടിന്റെ എംപി ആയിരുന്നിട്ടും ഏറെ സമ്മര്ദ്ദങ്ങള്ക്കൊടുവിലാണ് രാഹുല് ഗാന്ധി ഇവിടെ എത്തിയത്. അതായിരുന്നു യുവാക്കളുടെ അമര്ഷത്തിന്റെ ഒരു കാരണം.
