കണ്ണൂര്: മാധ്യമ പ്രവര്ത്തനത്തോട് വിട പറഞ്ഞ് സി പി എമ്മില് അംഗമായ എം വി നികേഷ്കുമാര് ജില്ലാ കമ്മിറ്റിയില്. പ്രത്യേക ക്ഷണിതാവായാണ് നികേഷിനെ ജില്ലാ കമ്മിറ്റിയില് ഉള്പ്പെടുത്തിയത്.
ഒന്നാം പിണറായി സര്ക്കാര് അധികാരത്തിലെത്തിയ 2016 ലെ നിയമസഭാ തെരഞ്ഞെടുപ്പില് അഴീക്കോട് മണ്ഡലത്തില് നിന്നും എല്ഡിഎഫ് സ്ഥാനാര്ത്ഥിയായി മത്സരിച്ചിരുന്നു.എന്നാല് മാധ്യമപ്രവര്ത്തനം അവസാനിപ്പിക്കുകയാണെന്നും സിപിഎമ്മില് സജീവമാകാന് തീരുമാനിച്ചെന്നും അടുത്തിടെ എം വി നികേഷ് കുമാര് വെളിപ്പെടുത്തിയിരുന്നു.
ഏഷ്യാനെറ്റ് ന്യൂസിലൂടെ മാധ്യമ പ്രവര്ത്തനം ആരംഭിച്ച നികേഷ് കുമാര് 2003 ല് ഇന്ത്യാവിഷന് ആരംഭിച്ചപ്പോള് എക്സിക്യൂട്ടീവ് എഡിറ്ററായി ചുമതലയേറ്റു. 2011ല് റിപ്പോര്ട്ടര് ടിവിക്ക് തുടക്കം കുറിച്ചു.
സി എം പി നേതാവും മുന് മന്ത്രിയുമായിരുന്ന എം വി രാഘവന്റെയും സി വി ജാനകിയുടെയും മകനായി 1973 മെയ് 28 നാണ് എം വി നികേഷ് കുമാറിന്റെ ജനനം.
