തിരുവനന്തപുരം: വയനാട്ടിലും മറ്റു ജില്ലകളിലും ഉണ്ടായ സമാനതകളില്ലാത്ത പ്രകൃതി ദുരന്തത്തില്‍ മരിച്ചവരുടെ കുടുംബങ്ങള്‍ക്കും, മറ്റ് നാശനഷ്ടങ്ങള്‍ അനുഭവിച്ചവര്‍ക്കും ഭീമാ ജ്വല്ലറി ചെയര്‍മാന്‍ ഡോ. ബി ഗോവിന്ദന് 25 ലക്ഷം രൂപ ധനസഹായം പ്രഖ്യാപിച്ചു.
ഉരുള്‍പൊട്ടലിന്റെ പശ്ചാത്തലത്തില്‍ ദുരിതാശ്വാസ പ്രവര്‍ത്തനങ്ങള്‍ക്കും ദുരന്തത്തില്‍ അകപ്പെട്ടവരുടെ കുടുംബങ്ങള്‍ക്കും, അവരുടെ പുനരധിവാസത്തിനും വേണ്ടിയും ആള്‍ കേരള ഗോള്‍ഡ് ആന്‍ഡ് സില്‍വര്‍ മര്‍ച്ചന്റ് അസോസിയേഷന്‍(എകെജിഎസ്എംഎ) ധനസഹായം നല്കുവാന്‍ തീരുമാനിച്ചിട്ടുണ്ട്. ഇതിനായി എകെജിഎസ്എംഎയുടെ എല്ലാ അംഗങ്ങളില്‍ നിന്നും അഞ്ച് ലക്ഷം രൂപയില്‍ കുറയാത്ത തുക സമാഹരിച്ച് ധനസഹായം നല്കുമെന്നും എകെജിഎസ്എംഎ സംസ്ഥാന പ്രസിഡന്റ് കൂടിയായ ഡോ.ബി.ഗോവിന്ദന് അറിയിച്ചു.
പ്രതികരിക്കാൻ ഇവിടെ എഴുതുക: