മേപ്പാടി: വയനാട് ദുരന്തത്തില് രാജ്യം ഒന്നടങ്കം നാടിനുവേണ്ടി പ്രവര്ത്തിക്കുന്നുണ്ടെന്ന് ഗോവ ഗവര്ണര് പി.എസ്. ശ്രീധരന് പിള്ള. മേപ്പാടി കുടുംബാരോഗ്യകേന്ദ്രം സന്ദര്ശിച്ച് സംസാരിക്കുകയായിരുന്നു ഗവര്ണര്. യുദ്ധകാലാടിസ്ഥാനത്തിലുള്ള രക്ഷാപ്രവര്ത്തനമാണ് സ്ഥലത്ത് നടത്തിക്കൊണ്ടിരിക്കുന്നത്. മറ്റ് സംസ്ഥാനങ്ങളെല്ലാം എല്ലാവിധ സഹായം നല്കാനും തയ്യാറാണെന്നും ഗവര്ണര് പറഞ്ഞു.
മേപ്പാടി ഗ്രാമപഞ്ചായത്ത് പ്രസിഡന്റ് കെ.ബാബു, വൈസ് പ്രസിഡന്റ് രാധ രാമസ്വാമി, സ്റ്റാന്ഡിങ് കമ്മിറ്റി ചെയര്മാന്മാരായ രാജു ഹെജുമാടി, നാസര്, പഞ്ചായത്ത് സെക്രട്ടറി നൗഷാദലി, ആരോഗ്യ പ്രവര്ത്തകര് തുടങ്ങിയവര് സന്നിഹിതരായിരുന്നു.
