തിരുവനന്തപുരം: യുവതിയെ എയര് ഗണ് ഉപയോഗിച്ച് വെടിവച്ച സംഭവത്തില് വനിതാ ഡോക്ടര് പിടിയിലായി. കൊല്ലത്തെ സ്വകാര്യമെഡിക്കല് കോളേജിലെ ഡോക്ടര് ദീപ്തിയാണ് പിടിയിലായത്.
കൊല്ലത്ത് ജോലി ചെയ്യുന്ന ആശുപത്രിയില് നിന്നാണ് വനിതാ ഡോക്ടറെ പിടികൂടിയത്. ആക്രമണത്തില് പരിക്കേറ്റ ഷിനിയുടെ ഭര്ത്താവുമായുള്ള പ്രശ്നമാണ് വെടിവയ്പ്പിന് കാരണമെന്ന് അറിയുന്നു.
ഓണ്ലൈനിലൂടെ വാങ്ങിയ തോക്ക് ഉപയോഗിച്ചാണ് ഡോ. ദീപ്തി ഷിനിയെ വീട്ടിലെത്തി വെടിവച്ചത്.ഞായറാഴ്ച രാവിലെ എട്ടരയോടെയാണ് സംഭവം ഉണ്ടായത്. ഷിനിയുടെ വഞ്ചിയൂര് പൊലീസ് സ്റ്റേഷന് പരിധിയില് പെരുന്താന്നിക്ക് സമീപമുളള വീട്ടിലെത്തിയാണ് പ്രതി ആക്രമണം നടത്തിയത്.
കൊറിയര് നല്കാനെന്ന വ്യാജേനയാണ് ഡോ. ദീപ്തി ഷിനിയുടെ വീട്ടിലെത്തി വെടിയുതിര്ത്തത്. തുടര്ന്ന് പെട്ടെന്ന് കാറില് ചാക്ക ഭാഗത്തേക്ക് പോകുന്ന സി സി ടി വി ദൃശ്യങ്ങള് ലഭിച്ചിരുന്നു.
