തിരുവനന്തപുരം:കനത്ത മഴ തുടരുമെന്ന മുന്നറിയിപ്പിനെ തുടര്ന്ന് സംസ്ഥാനത്ത് ഏഴ് ജില്ലകളിലെ വിദ്യാഭാസ സ്ഥാപനങ്ങള്ക്ക് ചൊവ്വാഴ്ച അവധി പ്രഖ്യാപിച്ചു. തൃശൂര്, വയനാട്, കോഴിക്കോട്, മലപ്പുറം,പാലക്കാട്, എറണാകുളം, ഇടുക്കി ജില്ലകളിലെ വിദ്യാഭാസ സ്ഥാപനങ്ങള്ക്കാണ് അവധി .പ്രൊഫഷണല് കോളേജുകള്ക്കും അവധി ബാധകം.
കണ്ണൂര് ജില്ലയില് തലശേരി, ഇരിട്ടി, തളിപ്പറമ്പ് താലൂക്ക് പരിധിയിലെ വിദ്യാഭ്യാസ സ്ഥാപനങ്ങള്ക്ക് ചൊവ്വാഴ്ച അവധിയായിരിക്കും. അങ്കണവാടികള്, സ്കൂള്, കോളേജ്, പ്രൊഫഷണല് കോളേജ്, മദ്രസ , ട്യൂഷന് ക്ലാസ് എന്നിവയ്ക്ക് അവധി ബാധകമാണ്. എന്നാല് അധ്യാപകര്ക്ക് അവധി ബാധകമല്ല.കേളകം പഞ്ചായത്തിലെ വിദ്യാഭ്യാസ സ്ഥാപനങ്ങള്ക്കും അവധിയാണ്.
കോഴിക്കോട് ജില്ലയിലെ അങ്കണവാടികള്, സ്കൂളുകള് തുടങ്ങിയ വിദ്യാഭ്യാസ സ്ഥാപനങ്ങള്ക്ക് ചൊവ്വാഴ്ച അവധിയാണ്. എന്നാല് പ്രൊഫഷണല് കോളേജുകള്ക്ക് അവധി ബാധകമല്ല.
എറണാകുളം ജില്ലയിലെ അങ്കണവാടികള്, പ്രൊഫഷണല് കോളേജുകള് അടക്കമുള്ള വിദ്യാഭ്യാസ സ്ഥാപനങ്ങള്ക്ക് ചൊവ്വാഴ്ച (ജൂലായ്30) ജില്ലാ കളക്ടര് അവധി പ്രഖ്യാപിച്ചു. എന്നാല് മുന് നിശ്ചയപ്രകാരമുള്ള പൊതുപരീക്ഷകള്, സര്വകലാശാല പരീക്ഷകള് എന്നിവയ്ക്ക് മാറ്റമില്ല.
തൃശൂര് ജില്ലയില് അങ്കണവാടികള്,, നഴ്സറികള്, കേന്ദ്രീയ വിദ്യാലയങ്ങള്, സിബിഎസ്ഇ, ഐസിഎസ്ഇ സ്കൂളുകള്, പ്രൊഫഷണല് കോളേജുകള്, ട്യൂഷന് സെന്ററുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ചൊവ്വാഴ്ച അവധിയായിരിക്കുമെന്ന് ജില്ലാ കളക്ടര് അറിയിച്ചു. മുഴുവന് വിദ്യാര്ത്ഥികള് താമസിച്ചു പഠിക്കുന്ന റസിഡന്ഷ്യല് സ്ഥാപനങ്ങള്ക്ക്/ കോഴ്സുകള്ക്ക് അവധി ബാധകമല്ല. മുന് നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഇല്ല.
വയനാട് ജില്ലയില് ട്യൂഷന് സെന്ററുകള്, അങ്കണവാടികള്, പ്രൊഫഷണല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് ചൊവ്വാഴ്ച ജില്ലാ കളക്ടര് അവധി പ്രഖ്യാപിച്ചു. മോഡല് റസിഡന്ഷല് സ്കൂളുകള്ക്ക് അവധി ബാധകമല്ല. പി.എസ്.സി പരീക്ഷയ്ക്കും മാറ്റമില്ല ഉണ്ടായിരിക്കില്ല.
ഇടുക്കി ജില്ലയില് കനത്ത മഴയുടെ പശ്ചാത്തലത്തില് പ്രൊഫഷണല് കോളേജുകള്, അംഗണവാടികള്, കിന്റര്ഗാര്ട്ടന്, മദ്രസ, ട്യൂഷന് സെന്റര് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും ചൊവ്വാഴ്ച ജില്ലാ കലക്ടര് അവധി പ്രഖ്യാപിച്ചു.റസിഡന്ഷ്യല് സ്ഥാപനങ്ങള്ക്ക് അവധി ബാധകമല്ല. മുന് നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റം ഇല്ല.
പാലക്കാട് ജില്ലയിലെ പ്രൊഫഷണല് കോളേജുകള്, അംഗണവാടികള്, കിന്റര്ഗാര്ട്ടന്, മദ്രസ, ട്യൂഷന് സെന്റര് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും ചൊവ്വാഴ്ച ജില്ലാ കലക്ടര് അവധി പ്രഖ്യാപിച്ചു. മുന്കൂട്ടി നിശ്ചയിച്ച പൊതു പരീക്ഷകള്ക്കും റസിഡന്ഷ്യല് രീതിയില് പഠനം നടത്തുന്ന മോഡല് റസിഡന്ഷ്യല് സ്കൂളുകള്ക്കും നവോദയ വിദ്യാലയത്തിനും അവധി ബാധകമല്ല.
മേഖല, ജില്ലാതലങ്ങളില് മുന്കൂട്ടി നിശ്ചയിച്ച പാഠ്യ, പാഠ്യേതര പരിപാടികള് നടത്തുന്നുണ്ടെങ്കില് സംഘാടകര് ഔദ്യോഗികാനുമതി വാങ്ങേണ്ടതും വിദ്യാര്ത്ഥികളുടെ പൂര്ണ സുരക്ഷിതത്വം ഉറപ്പാക്കേണ്ടതുമാണ്.
മലപ്പുറത്ത് പ്രൊഫഷണല് കോളേജുകള് ഉള്പ്പെടെയുള്ള മുഴുവന് വിദ്യാഭ്യാസ സ്ഥാപനങ്ങള്ക്കും ജില്ലാ കളക്ടര് ചൊവ്വാഴ്ച അവധി പ്രഖ്യാപിച്ചു. അങ്കണവാടികള്, മദ്രസകള്, ട്യൂഷന് സെന്ററുകള് എന്നിവക്കെല്ലാം അവധി ബാധകമാണ്. പരീക്ഷകള്ക്ക് അവധി ബാധകമല്ല.
