തിരുവനന്തപുരം: മകള്‍ മീനാക്ഷി ഡോക്ടറായതോടെ നടന്‍ ദിലീപിന്റെ ഓട്ടോഗ്രാഫിന് വിദ്യാര്‍ത്ഥികളുടെ തിരക്ക് . കാരണം മകളെ ഡോക്ടറാക്കിയ അച്ഛന്‍ എന്ന പൊന്‍തൂവല്‍ കൂടി ദിലീപിന്റെ ജീവിത്തില്‍ ചേര്‍ക്കപ്പെട്ടിരിക്കുന്നു. പഠിച്ചുയരാന്‍ മോഹിക്കുന്ന ഏത് വിദ്യാര്‍ത്ഥിയും മോഹിച്ചുപോകുന്ന ഒരു അച്ഛന്റെ കട്ട സപ്പോര്‍ട്ട്.
കഴിഞ്ഞ ദിവസം ദിലീപിനെ അരികില്‍ ഓട്ടോഗ്രാഫിന് എത്തിയ വിദ്യാര്‍ത്ഥികള്‍ക്ക് നടനായ ദിലീപിനെയല്ല, ഡോക്ടറുടെ അച്ഛനായ ദിലീപിനോടായിരുന്നു കൂടുതല്‍ മതിപ്പ്. ക്ഷമാപൂര്‍വ്വം ദിലീപ് അവര്‍ക്ക് ഓട്ടോഗ്രാഫുകള്‍ നല്‍കി. നടൻ ദിലീപിന്റെ പുതിയ ഷൂട്ടിംഗ് ലൊക്കേഷനിലാണ് ഈ വിദ്യാര്‍ത്ഥികള്‍ എത്തിയത്. ദിലീപ് അവരെ യാതൊരു മടിയും കൂടാതെ സ്വീകരിച്ചു. അതങ്ങിനെയാണ്. ഷൂട്ടിംഗ് ലൊക്കേഷനുകളില്‍ തന്നെ കാണാന്‍ എത്തുന്നവരെ ദിലീപ് നിരാശപ്പെടുത്താറില്ല.
ഏതാനും ആഴ്ചകള്‍ക്ക് മുന്‍പാണ് ദിലീപ്-മഞ്ജുവാര്യര്‍ ദമ്പതികളുടെ മകള്‍ മീനാക്ഷി തമിഴ്നാട്ടിലെ മെഡിക്കല്‍ കോളെജില്‍ നിന്നും എംബിബിഎസ് പാസായത്. )ഇൻസ്റ്റഗ്രാമിൽ മീനാക്ഷിയും, ദിലീപും, കാവ്യാ മാധവനും ബിരുദദാന ചടങ്ങിനെത്തിയതിന്റെ ചിത്രങ്ങള്‍ വൈറലായിരുന്നു. ഡോക്ടർ മീനാക്ഷി ഗോപാലകൃഷ്ണൻ എന്ന് പറഞ്ഞായിരുന്നു കാവ്യാ മാധവൻ ആശംസ അർപ്പിച്ചത്. ഗോപാലകൃഷ്ണന്‍ എന്നതാണ് ദിലീപിന്റെ യഥാര്‍ത്ഥ പേര്.
പ്രതികരിക്കാൻ ഇവിടെ എഴുതുക: