ഉദുമ: ചെമ്മനാട് പഞ്ചായത്ത് ബിജെപി ഇടുവുങ്കാല്‍, ചാത്തങ്കൈ ബൂത്ത് കമ്മറ്റികളുടെ നേതൃത്വത്തില്‍ എസ്എസ്എല്‍സി, പ്ലസ്ടു പരീക്ഷകളില്‍ വിജയിച്ചവരേയും എല്‍എസ്എസ് സ്‌കോളര്‍ഷിപ്പ് നേടിയ വിദ്യാര്‍ത്ഥികളേയും ഡോക്ടറേറ്റ് നേടിയ എന്‍.ടി.വിനോദിനേയും അനുമോദിച്ചു.
അനുമോദനസഭ മഹിളാമോര്‍ച്ച ദേശീയ നിര്‍വ്വാഹക സമിതി അംഗം എം.എല്‍.അശ്വിനി ഉദ്ഘാടനം ചെയ്തു. ബിജെപി ഇടുവുങ്കാല്‍ ബൂത്ത് പ്രസിഡന്റ് കെ.വിജയന്‍ അധ്യക്ഷനായി. ഉദുമ മണ്ഡലം പ്രസിഡന്റ് കെ.ടി.പുരുഷോത്തമന്‍ മുഖ്യപ്രഭാഷണം നടത്തി. ജില്ലാ കമ്മറ്റി അംഗം വൈ.കൃഷ്ണദാസ്, ചെമ്മനാട് പഞ്ചായത്ത് പ്രസിഡന്റ് മണികണ്ഠന്‍ ചാത്തങ്കൈ, സെക്രട്ടറി മുരളീകൃഷ്ണന്‍ അച്ചേരി എന്നിവര്‍ സംസാരിച്ചു.ശശിധരന്‍ സ്വാഗതവും വി.ഗോപാലന്‍ നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: