തൃശൂര്: ഓടുന്ന ബസില് വിദ്യാര്ത്ഥിനിയെ ബലമായി ചുംബിച്ച കണ്ടക്ടറെ പെണ്കുട്ടിയുടെ സഹോദരനും സുഹൃത്തുക്കളും ചേര്ന്ന് പൊലീസില് ഏല്പ്പിച്ചു.വെള്ളിയാഴ്ച്ച രാവിലെ ഏഴ് മണിയോടെ ഇരിങ്ങാലക്കുട ബസ് സ്റ്റാന്ഡിലാണ് സംഭവം.
തൃശൂര് – കൊടുങ്ങല്ലൂര് റൂട്ടില് സര്വീസ് നടത്തുന്ന ശാസ്ത ബസിലെ കണ്ടക്ടര് പെരുമ്പിളിശ്ശേരി സ്വദേശി ചൂരനോലിക്കല് വീട്ടില് സാജന് (37) എന്നയാളാണ് വിദ്യാര്ത്ഥിനിയെ ചുംബിച്ചത്. വിദ്യാര്ത്ഥിനിയെ ഇയാള് നിരന്തരം ശല്യം ചെയ്തിരുന്നതായി പരാതിയുണ്ട്. അതിനിടെയാണ് രാവിലെ സ്കൂളിലേയ്ക്ക് പോകുന്ന വഴി ബലമായി കുട്ടിയെ ചുംബിച്ചതെന്ന് പരാതിയില് പറയുന്നു.
പിന്നീട് സ്കൂളില് എത്തിയ കുട്ടി കരഞ്ഞതോടെ വീട്ടില് വിളിച്ച് പറഞ്ഞു. വൈകിട്ട് അഞ്ചര മണിയോടെ കൊടുങ്ങല്ലൂരില് നിന്നും വരികയായിരുന്ന ബസില് പെണ്കുട്ടിയുടെ സഹോദരനും സുഹൃത്തുക്കളും കയറി മറ്റ് യാത്രക്കാരെ ഇറക്കിയ ശേഷം ബസ് പൊലിസ് സ്റ്റേഷനിലേയ്ക്ക് പോകാന് ആവശ്യപ്പെടുകയായിരുന്നു.
