പിറവം: ഇതര സംസ്ഥാന തൊഴിലാളിക്ക് പട്ടിക്കൂട് വാടകയ്ക്ക് നല്‍കിയ വീട്ടുടമയ്ക്ക് പിറവം നഗരസഭയുടെ നോട്ടീസ്. പിറവം പൊലീസ് സ്റ്റേഷന് സമീപം പുരത്രക്കുളത്തിനടുത്തുള്ള വീട്ടിലെ പട്ടിക്കൂട്ടിലാണ് പശ്ചിമ ബംഗാള്‍ സ്വദേശി ശ്യാം സുന്ദര്‍(38) താമസിച്ചിരുന്നത്.
പട്ടിക്കൂട്ടില്‍ തന്നെയായിരുന്നു ശ്യാം സുന്ദറിന്റെ പാചകവും ഉറക്കവുമെല്ലാം.വീട്ടുടമ വാടകയ്ക്ക് നല്‍കിയ മറ്റൊരു വീട്ടിലും സമീപത്തുള്ള മറ്റൊരു ഷെഡ്ഡിലുമായി നിരവധി ഇതര സംസ്ഥാന തൊഴിലാളികളും താമസിച്ചിരുന്നു.
എട്ടടിയോളം നീളവും നാലര അടിയോളം വീതിയുള്ള പട്ടിക്കൂടിലാണ് ശ്യാം സുന്ദര്‍ താമസിച്ചിരുന്നത്. ചുറ്റുമുള്ള ഇരുമ്പ് ഗ്രില്ല് പ്ലാസ്റ്റിക് ബോര്‍ഡ് ഉപയോഗിച്ച് മറച്ചാണ് ഇദ്ദേഹം കഴിഞ്ഞു വന്നത്.
ഉടമയും കുടുംബവും റോഡിന് എതിര്‍വശത്തെ വീട്ടിലാണ് താമസിക്കുന്നത്.
പ്രതികരിക്കാൻ ഇവിടെ എഴുതുക: