എസ്.സി, എസ്.ടി ആക്ട് പ്രകാരം രജിസ്റ്റര്‍ ചെയ്യുന്ന കേസുകളുടെ വിചാരണയ്‌ക്ക് എറണാകുളത്ത് പ്രത്യേക കോടതി

തിരുവനന്തപുരം: പട്ടികജാതി-പട്ടികവര്‍ഗ്ഗ ആക്ട് പ്രകാരം രജിസ്റ്റര്‍ ചെയ്യുന്ന കേസുകളുടെ വിചാരണയ്‌ക്ക് എറണാകുളത്ത് ഒരു പ്രത്യേക കോടതി സ്ഥാപിക്കാന്‍ സര്‍ക്കാര്‍ തീരുമാനിച്ചു. പുതുതായി 3 തസ്തികകള്‍ സൃഷ്ടിക്കും. ഇടമലയാര്‍ കേസുകളുടെ വിചാരണയ്‌ക്ക് സ്ഥാപിച്ച താല്‍ക്കാലിക കോടതിയില്‍ നിന്ന് 6 തസ്തികകളും മാറാട് കേസുകളുടെ വിചാരണയ്‌ക്ക് സ്ഥാപിച്ച താല്കാലിക കോടതിയില്‍ നിന്ന് 1 തസ്തികയും ട്രാന്‍സ്ഫര്‍ ചെയ്തു കൊണ്ടാണ് കോടതി സ്ഥാപിക്കുക.സ്‌പെഷ്യല്‍ ജഡ്ജ് (ജില്ലാ ജഡ്ജ്)-1,ബഞ്ച് ക്ലാര്‍ക്ക്-1,കോണ്‍ഫിഡന്‍ഷ്യല്‍ അസിസ്റ്റന്റ്-1എന്നിങ്ങനെ മൂന്ന് തസ്തികകള്‍ പുതുതായി സൃഷ്ടിക്കും. ശിരസ്തദാര്‍ – 1, യു.ഡി ക്ലാര്‍ക്ക് – 1, എല്‍ഡി ടൈപ്പിസ്റ്റ്-1, ഡഫേദാര്‍ – 1, ഓഫീസ് അറ്റന്റന്റ് – 2, കോര്‍ട്ട് കീപ്പര്‍ – 1 എന്നിങ്ങനെ എഴ് തസ്തികകളാണ് താല്‍ക്കാലിക കോടതികളില്‍ നിന്നും ട്രാന്‍സ്ഫര്‍ ചെയ്യുക.