കൊല്ലം: രജതജൂബിലി ആഘോഷങ്ങളുടെ ഭാഗമായി കൊല്ലം ഓക്‌സ്‌ഫോര്‍ഡ് സ്‌കൂളില്‍ നോളെജ് നോകൗട്ട് എന്ന പേരില്‍ ക്വിസ് മത്സരം സംഘടിപ്പിച്ചു. യുപി, ഹൈസ്‌കൂള്‍ വിഭാഗങ്ങളിലായി നടത്തിയ മത്സരത്തില്‍ 14 സ്‌കൂളുകള്‍ പങ്കെടുത്തു. ഫൈനല്‍ റൗണ്ടിലെത്തിയ അഞ്ച് സ്‌കൂളുകളില്‍ നിന്ന് യുപി വിഭാഗത്തില്‍ ഡിസ്ട്രിക്ട് ഇന്‍സ്റ്റിറ്റിയൂട്ട് ഓഫ് എഡ്യൂക്കേഷന്‍ ആന്‍ഡ് ട്രെയിനിങ് ആറ്റിങ്ങല്‍ ഒന്നാം സ്ഥാനം കരസ്ഥമാക്കി.
നാഷണല്‍ പബ്ലിക് സ്‌കൂള്‍ തഴുത്തല, എന്‍എസ്എസ് എച്ച് എസ്എസ് പ്രാക്കുളം, യഥാക്രമം രണ്ടും മൂന്നും സ്ഥാനങ്ങള്‍ കരിസ്ഥമാക്കി.
ഹൈസ്‌കൂള്‍ തലത്തില്‍ ജിഎച്ച്എസ്എസ് അയ്യങ്കോയിക്കല്‍, എന്‍എസ്എസ് എച്ച്എസ്എസ് പ്രാക്കുളം, ട്രിനിറ്റി ലൈസിയം യഥാക്രമം ഒന്നും രണ്ടും മൂന്നും സ്ഥാനങ്ങള്‍ കരസ്ഥമാക്കി.
കൊല്ലം ടികെഎം കോളേജ് ഇംഗ്ലീഷ് വിഭാഗം റിട്ട.പ്രൊഫ.ഷിബു ജോസ്, അഡ്വ. ശംഭു പാര്‍ത്ഥസാരഥി, ശ്യാംബാബു എന്നിവര്‍ ക്വിസ് മത്സരം നിയന്ത്രിച്ചു.
പ്രതികരിക്കാൻ ഇവിടെ എഴുതുക: