ബെംഗളുരു: കോഴിക്കോട് സ്വദേശി ട്രക്ക് ഡ്രൈവര് അര്ജുനെ കണ്ടെത്താനുള്ള രക്ഷാ ദൗത്യവുമായി ബന്ധപ്പെട്ട് കേന്ദ്ര, സംസ്ഥാന സര്ക്കാരുകള്ക്ക് കര്ണാടക ഹൈക്കോടതി നോട്ടീസ് അയച്ചു.ഗൗരവകരമായ വിഷയമാണിതെന്ന് ഹൈക്കോടതി പറഞ്ഞു.
കേന്ദ്ര, സംസ്ഥാന സര്ക്കാരുകള് നാളേക്കകം മറുപടി നല്കണം.ഇതുവരെയുള്ള രക്ഷാ ദൗത്യത്തിന്റെ വിവരങ്ങള് കര്ണാടക ഹൈക്കോടതിയില് സംസ്ഥാന സര്ക്കാര് സമര്പ്പിച്ചു.
കേസ് ബുധനാഴ്ച വീണ്ടും പരിഗണിക്കും. രണ്ട് മലയാളി അഭിഭാഷകരാണ് സംഭവത്തില് ഹൈക്കോടതിയെ സമീപിച്ചത്. ഇന്നലെ സുപ്രീംകോടതിയെ സമീപിച്ചപ്പോള് അഭിഭാഷകരോട് കര്ണാടക ഹൈക്കോടതിയെ സമീപിക്കാന് നിര്ദേശിച്ചിരുന്നു.
