മുംബയ് : ഇന്ത്യന്‍ നാവികസേനയുടെ യുദ്ധക്കപ്പല്‍ ഐഎന്‍എസ് ബ്രഹ്മപുത്രയില്‍ ഉണ്ടായ തീപിടിത്തത്തില്‍ ഒരു സേനാംഗത്തെ കാണാതായി.ഇന്നലെ വൈകിട്ടാണ് തീപിടിത്തം ഉണ്ടായത്.
തീ ഇന്ന് രാവിലെയോടെ നിയന്ത്രണ വിധേയമാക്കി. കപ്പല്‍ ഒരു വശത്തേക്ക് ചരിഞ്ഞിട്ടുണ്ട്.
സംഭവവുമായി ബന്ധപ്പെട്ട് നാവികസേന ആഭ്യന്തര അന്വേഷണത്തിന് ഉത്തരവിട്ടു. തീയണച്ച ശേഷമാണ് കപ്പല്‍ ഒരു വശത്തേക്ക് ചരിഞ്ഞത്.
കപ്പലിനെ പൂര്‍വ സ്ഥിതിയിലാക്കാന്‍ നാവിക സേനയ്‌ക്ക് സാധിച്ചിട്ടില്ല. കപ്പലിലുണ്ടായിരുന്ന മറ്റുളളവരെ രക്ഷിച്ചു. കാണാതായ ജൂനിയര്‍ സെയിലര്‍ക്കായി തെരച്ചില്‍ പുരോഗമിക്കുന്നു.
പ്രതികരിക്കാൻ ഇവിടെ എഴുതുക: