ഇസ്ലാമബാദ് : ചാമ്പ്യന്സ് ട്രോഫിയില് കളിക്കാന് ഇന്ത്യന് ടീം പാകിസ്ഥാനിലെത്തിയില്ലെങ്കില് ഇന്ത്യ ഇല്ലാതെ ടൂര്ണമെന്റ് മുന്നോട്ട് പോകും എന്ന്
പേസ് ബൗളര് ഹസന് അലി പറഞ്ഞു. എന്നാല് ഇന്ത്യന് ടീം പാകിസ്ഥാനിലേക്ക് വരണം എന്നാണ് താത്പര്യമെന്നും താരം പറഞ്ഞു.
ഇന്ത്യയില് കളിക്കാന് പാകിസ്ഥാന്ട ടീം പോകുന്നുണ്ടെങ്കില് ഇന്ത്യക്ക് പാകിസ്ഥാനിലേക്കും വരാം എന്ന് ഹസന് അലി പറഞ്ഞു.രാഷ്ട്രീയത്തില് നിന്ന് കായിക രംഗത്തെ മാറ്റി നിര്ത്തണം.
”നിരവധി ഇന്ത്യന് കളിക്കാര് പാകിസ്ഥാനില് കളിക്കാന് ആഗ്രഹിക്കുന്നുവെന്ന് പറഞ്ഞിട്ടുണ്ട്. അതിനാല് വരാന് ആഗ്രഹിക്കാത്തത് അവരല്ലെന്നും ഹസന് അലി പറഞ്ഞു.
പിസിബി ചെയര്മാന് നേരത്തെ പറഞ്ഞതുപോലെ, ചാമ്പ്യന്സ് ട്രോഫി പാകിസ്ഥാനില് നടക്കുകയാണെങ്കില്, അത് പാകിസ്ഥാനില് തന്നെ നടക്കും. ഇന്ത്യ പങ്കെടുക്കാന് ആഗ്രഹിക്കുന്നില്ലെങ്കില് ഇന്ത്യയെ കൂടാതെ തന്നെ നല്ല മറ്റ് നിരവധി ടീമുകള് ഉണ്ട്.ഹസന് അലി കൂട്ടിച്ചേര്ത്തു.
