കൂരാച്ചുണ്ട്-കല്ലാനോട് റോഡിൽ മുള്ളൻപന്നിയിടിച്ച് ബൈക്ക് മറിഞ്ഞ് അപകടം. സംഭവത്തിൽ ബൈക്ക് യാത്രികന് പരിക്കേറ്റു. കല്ലാനോട് സർവീസ് സഹകരണ ബാങ്ക് ജീവനക്കാരനായ കക്കയം സ്വദേശി നിസാമിനാണ് പരിക്കേറ്റത്.
ഇന്നലെ രാത്രി ഒമ്പത് മണിയോടെയായിരുന്നു സംഭവം. മുള്ളൻപന്നി മുള്ളുകൾ തെറിപ്പിച്ചിരുന്നുവെങ്കിലും നിസാര പരിക്കുകളോടെ രക്ഷപ്പെടുകയായിരുന്നു. ബൈക്കിനും സാരമായി തകരാർ സംഭവിച്ചിട്ടുണ്ട്.
