മലപ്പുറം: മൂത്തേടത്ത് വനാതിര്ത്തിയോട് ചേര്ന്ന് സ്വകാര്യ വ്യക്തിയുടെ പറമ്പില് കാട്ടാന ചരിഞ്ഞ നിലയില്. വൈദ്യുതാഘാതമേറ്റാണ് ഏകദ്ദേശം 20 വയസ് പ്രായമുള്ള കൊമ്പന് ചരിഞ്ഞതെന്നാണ് സൂചന.
മൂത്തേടം ചീനി കുന്നിലാണ് രാവിലെ കാട്ടാനയെ ചരിഞ്ഞ നിലയില് കണ്ടെത്തിയത്. വനാതിര്ത്തിയോട് ചേര്ന്ന് ശിവദാസന് എന്നയാളുടെ പറമ്പിലാണ് ആന കിടന്നിരുന്നത്.
വൈദ്യുതാഘാതമേറ്റാണ് ആന ചരിഞ്ഞതെന്നും ഉത്തരവാദികള്ക്കെതിരെ കേസെടുക്കുമെന്നും വനം വകുപ്പുദ്യോഗസ്ഥര് പറഞ്ഞതോടെ നാട്ടുകാര് പ്രതിഷേധിച്ചു.ആന ഉള്പ്പെടെ വന്യ മൃഗങ്ങളുടെ ശല്യം കാരണം ജീവിക്കാനും കൃഷി ചെയ്യാനും കഴിയാത്ത സ്ഥിതിയാണെന്ന് നാട്ടുകാര് പറഞ്ഞു. ആന ചരിഞ്ഞ സ്ഥലത്ത് വച്ച് തന്നെ ജഡം പോസ്റ്റുമോര്ട്ടം ചെയ്യുന്നതും ആളുകള് എതിര്ത്തു.
ഉന്നത വനം വകുപ്പുദ്യോഗസ്ഥരും പൊലീസും എത്തി നടത്തിയ ചര്ച്ചയില് ജഡം വനത്തില് കൊണ്ടുപോയി പോസ്റ്റുമോര്ട്ടം ചെയ്യാന് ധാരണയിലെത്തി. അബു എന്നയാള് കൃഷി സംരക്ഷിക്കാന് അനധികൃമായി സ്ഥാപിച്ച വൈദ്യുതി വേലിയില് തട്ടിയാണ് ആനയ്ക്ക് ഷോക്കേറ്റതെന്ന് വനം വകുപ്പിന് വിവരം കിട്ടി. പോസ്റ്റുമോര്ട്ടത്തിനു ശേഷം മരണ കാരണം വ്യക്തമാവുന്നതോടെ ഉത്തരവാദികള്ക്കെതിരെ നിയമ നപടപടികള് എടുക്കുമെന്ന് വനം വകുപ്പുദ്യോഗസ്ഥര് അറിയിച്ചു.
