പാലക്കാട്: പുഴയില് നാളികേരം എടുക്കാന് ഇറങ്ങിയ യുവാവിനെ ഒഴുക്കില് പെട്ട് കാണാതായി. പാലക്കാട് അയിലൂര് മുതുകുന്നി പുഴയില് തിങ്കളാഴ്ച ഉച്ചയ്ക്കാണ് സംഭവം.
ആണ്ടിത്തറ പുത്തന് വീട്ടില് രാജേഷിനെയാണ് (42) ഒഴുക്കില് പെട്ട് കാണാതായത്. രാജേഷിനെ കണ്ടെത്താന് അഗ്നിരക്ഷാസേനയും ആലത്തൂര് പൊലീസും തെരച്ചില് നടത്തുന്നുണ്ട്.
വിദേശത്ത് നിന്ന് അവധിക്ക് നാട്ടിലെത്തിയതാണ് രാജേഷ്.പുഴയുടെ നല്ല ഒഴുക്കുള്ള ഭാഗത്തു വച്ചാണ് രാജേഷിനെ കാണാതായതെന്ന് സുഹൃത്തുക്കള് പറഞ്ഞു.
