ഹരാരെ: സിംബാബ്‌വെയ്‌ക്കെതിരായ ട്വന്റി20 പരമ്പരയിലെ അഞ്ചാമത്തെയും അവസാനത്തെയും മത്സരത്തിലും ഭാരതത്തിന് ജയം. നാലാം മത്സരത്തിലെ ജയത്തോടെ ടീം പരമ്പര ഉറപ്പാക്കിയിരുന്നു. ഇതിന് തൊട്ടടുത്ത ദിവസമാണ് ഇന്നലെ അഞ്ചാം മത്സരവും ജയിച്ചത്. ആദ്യം ബാറ്റ് ചെയ്ത ഭാരതം 42 റണ്‍സിനാണ് ജയിച്ചത്. ആദ്യം ബാറ്റ് ചെയ്ത ഭാരതം 20 ഓവറില്‍ ആറ് വിക്കറ്റ് നഷ്ടത്തില്‍ 167 റണ്‍സെടുത്തു.
സിംബാബ്‌വെയുടെ മറുപിട 18.3 ഓവറില്‍ 125 റണ്‍സില്‍ തീര്‍ന്നു. ഭാരതത്തിനായി 26 റണ്‍സെടുക്കുകയും രണ്ട് വിക്കറ്റുകള്‍ വീഴത്തുകയും ചെയ്ത ശിവം ദുബെ ആണ് കളിയിലെ താരം. ഭാരത പേസ് ബൗളര്‍ മുകേഷ് കുമാര്‍ 4 വിക്കറ്റെടുത്തു. ഭാരതത്തിനായി ഇന്നലെ ഉയര്‍ന്ന സ്‌കോര്‍ സ്വന്തമാക്കിയത് അര്‍ദ്ധസെഞ്ച്വറിക്കാരന്‍ സഞ്ജു വി. സാംസണ്‍ ആണ്. 45 പന്തുകള്‍ നേരിട്ട താരം നാല് സിക്‌സറും ഒരു ബൗണ്ടറിയും സഹിതം 58 റണ്‍സെടുത്തു.
പ്രതികരിക്കാൻ ഇവിടെ എഴുതുക: