തൃശൂര്: അതിതീവ്ര മഴ മുന്നറിയിപ്പിന്റെ പശ്ചാത്തലത്തില് തിങ്കളാഴ്ച വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ച ജില്ലകളുടെ എണ്ണം ആറായി.
കണ്ണൂരും കോഴിക്കോടും കാസര്കോടും നേരത്തെ അവധി പ്രഖ്യാപിച്ചതിന് പിന്നാലെ തൃശൂര്, മലപ്പുറം ജില്ലകളിലും അവധി പ്രഖ്യാപിക്കുകയുണ്ടായി.ഇപ്പോള് എറണാകുളം കളക്ടറും അവധി പ്രഖ്യാപിച്ചിരിക്കുകയാണ്.
ശക്തമായ മഴയും കാറ്റും കണക്കിലെടുത്ത് ഓറഞ്ച് ജാഗ്രത പ്രഖ്യാപിച്ചിരിക്കുന്ന സാഹചര്യത്തില് എറണാകുളം ജില്ലയിലെ അങ്കണവാടികള്, പ്രൊഫഷണല് കോളജുകള് ഉള്പ്പെടെ വിദ്യാഭ്യാസ സ്ഥാപനങ്ങള്ക്ക് തിങ്കളാഴ്ച ജില്ലാ കളക്ടര് അവധി പ്രഖ്യാപിച്ചു. മുന് നിശ്ചയപ്രകാരമുള്ള പൊതുപരീക്ഷകള്, സര്വകലാശാല പരീക്ഷകള് എന്നിവയ്ക്ക് മാറ്റം ഇല്ല.
തൃശൂരില് ജില്ലയില് നാളെ ശക്തമായ കാറ്റും മഴയും ആയതിനാല് പ്രൊഫഷണല് കോളേജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും തിങ്കളാഴ്ച അവധി പ്രഖ്യാപിക്കുകച്ചു. മുന്കൂട്ടി നിശ്ചയിച്ച പരീക്ഷകള്ക്ക് മാറ്റമില്ല.
ചുവപ്പ് ജാഗ്രതയുടെ പശ്ചാത്തലത്തില് മലപ്പുറം ജില്ലയിലെ പ്രൊഫഷണല് കോളേജുകള് ഉള്പ്പെടെ വിദ്യാഭ്യാസ സ്ഥാപനങ്ങള്ക്ക് തിങ്കളാഴ്ച അവധിയായിരിക്കും. മുന് നിശ്ചയ പ്രകാരമുള്ള പരീക്ഷകള്ക്ക് മാറ്റമില്ല.
കോഴിക്കോട് ജില്ലയില് തിങ്കളാഴ്ച ശക്തമായ മഴ മുന്നറിയിപ്പുള്ള സാഹചര്യത്തില് ജില്ലയിലെ പ്രൊഫഷണല് കോളേജ് ഉള്പ്പെടയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധി പ്രഖ്യാപിച്ചു.അങ്കണവാടികള്ക്കും അവധി ബാധകമാണ്. മുന്കൂട്ടി നിശ്ചയിച്ച പരീക്ഷകള്ക്ക് മാറ്റമുണ്ടാവില്ല.
