കോട്ടയം: മഹാത്മാഗാന്ധി സര്വകലാശാലയുടെ അഫിലിയേറ്റഡ് കോളജുകളില് ഓണേഴ്സ് ബിരുദ പ്രോഗ്രാമുകളില് ഏകജാലക സംവിധാനം വഴിയുള്ള പ്രവേ ശനത്തിന്റെ സപ്ലിമെന്ററി അലോട്ട്മെന്റിന് 17 മുതല് അപേക്ഷിക്കാം. cap.mgu.ac.in എന്ന വൈബ്സൈറ്റില് ജൂലൈ 19ന് വൈകുന്നേരം നാലുവരെ അപേക്ഷകള് സ്വീകരിക്കും. ഇതുവരെ അപേക്ഷ നല്കാത്തവര്ക്കും ഓണ്ലൈന് രജിസ്ട്രേഷന് നടത്തിയിട്ടും അലോട്ട്മെന്റ് ലഭിക്കാത്തവര്ക്കും ലഭിച്ച അലോട്ട്മെന്റ് റദ്ദായവര്ക്കും ഈ അവസരം പ്രയോജനപ്പെടുത്താം. സപ്ലിമെന്ററി അലോട്ട്മെന്റിന് അപേക്ഷിക്കുന്ന എല്ലാവരും ഓപ്ഷനുകള് പുതിയതായി നല്കണം. ഓണ്ലൈന് അപേക്ഷയില് തെറ്റുവരുത്തിയതു മൂലം അലോട്ട്മെന്റിന് പരിഗണിക്കപ്പെടാത്തവര്ക്കും അലോട്ട്മെന്റിലൂടെ ലഭിച്ച പ്രവേശനം റദ്ദായവര്ക്കും പ്രത്യേകം ഫീസ് അടയ്ക്കാതെ തന്നെ പുതിയതായി ഓപ്ഷന് നല്കി സപ്ലിമെന്ററി അലോട്ട്മെന്റിന് അപേക്ഷിക്കാം.
മാനേജ്മെന്റ ്, കമ്യൂണിറ്റി മെറിറ്റ് ക്വാട്ടകളിലെ പ്രവേശനത്തിനുള്ള പ്രത്യേക ലിങ്കിലൂടെ മാത്രം നിലവില് അപേക്ഷിച്ചിട്ടുള്ളവര് നിലവിലെ ആപ്ലിക്കേഷന് നമ്പരും പാസ് വേഡും ഉപയോഗിച്ച് cap.mgu.ac.in ല് ലോഗിന് ചെയ്യണം.
ഭിന്നശേഷിക്കാര്ക്കായി സംവരണം ചെയ്ത സീറ്റുകളിലേക്കും കമ്യൂണിറ്റി മെറിറ്റ് സീറ്റുകളിലേക്കും ജൂലൈ 19ന് വൈകുന്നേരം നാലു വരെ അപേക്ഷിക്കാം.
