ഒരു കാലത്ത് ക്രിക്കറ്റില്‍ ഇന്ത്യക്കാരുടെ ദൈവമായ സച്ചിന്‍ ടെണ്ടുല്‍ക്കറിന്റെ ബിഎംഡബ്ല്യു കാര്‍ യൂസ് ഡ് കാര്‍ വിപണിയില്‍ വില്പനയ്ക്ക് വെച്ചിരിക്കുന്നു. സച്ചിന്‍ ടെണ്ടുല്‍ക്കര്‍ പലപ്പോഴും ഉപയോഗിക്കുന്നതായി നമ്മള്‍ ചിത്രങ്ങളില്‍ കണ്ടിട്ടുള്ളതാണ് ഈ ബിഎംഡബ്ല്യു X5 M.
ഇന്ത്യയിൽ ജര്‍മ്മന്‍ കാറായ ബിഎംഡബ്ല്യുവിന്റെ ബ്രാൻഡ് അംബാസഡറായതിനാല്‍ നിരവധി ബിഎം ഡബ്ല്യു കാര്‍ മോഡലുകള്‍ സച്ചിന്റെ പക്കലുണ്ട്. മുംബൈ എക്സോട്ടിക് കാർസ് ആണ് സച്ചിന്റെ ബിഎംഡബ്ല്യു X5 M കാര്‍ വില്‍പനയ്‌ക്കുണ്ട് എന്ന് പറഞ്ഞ് അതിന്റെ ചിത്രങ്ങൾ പങ്കുവെച്ചിരിക്കുന്നത്. ഇതു പോലെ മറ്റൊരു ബിഎംഡബ്ല്യു X5 M കണ്ടെത്താൻ ആയേക്കില്ലെന്നും ഈ കാർ മുൻ ഇന്ത്യൻ ക്രിക്കറ്റ് താരത്തിന്റെ ഉടമസ്ഥതയിലുള്ളതായിരുന്നു എന്നും .മുംബൈ എക്സോട്ടിക് കാർസ് അവരുടെ സമൂഹമാധ്യമപേജില്‍ പറയുന്നു.
മനോഹരവും ആകർഷകവുമായ മെല്‍ബണ്‍ റെഡ് നിറത്തിലുള്ളതാണ് ഈ ബിഎംഡബ്ല്യു X5 M. സോഫ്റ്റ് ക്ലോസ് ഡോറുകൾ, നൈറ്റ് വിഷൻ ക്യാമറകൾ, ഹെഡ്‌സ് -അപ്പ് ഡിസ്‌പ്ലേ, ഹർമൻ കാർഡൺ മ്യൂസിക് സിസ്റ്റം, റിയർ എൻ്റർടെയിൻമെൻ്റ് പാക്ക്, പനോരമിക് സൺറൂഫ്, ഹീറ്റഡ് സീറ്റുകൾ, ഇൻഡിവിജ്വൽ കംഫർട്ട് സീറ്റ് പാക്കേജ് എന്നിവ പ്രത്യേകതകളാണ്.
30,000 കിലോമീറ്ററോളം ഓടിച്ചിട്ടുണ്ട്. 92 ലക്ഷം രൂപയാണ് ഈ യൂസ് ഡ് കാറിന് ആവശ്യപ്പെടുന്നത്. .
പ്രതികരിക്കാൻ ഇവിടെ എഴുതുക: