ആലുവ : നിരന്തര കുറ്റാവാളികളെ കാപ്പ ചുമത്തി നാട് കടത്തി നെടുമ്പാശ്ശേരി നായത്തോട് അറയ്ക്ക മുത്താട്ട് വീട്ടിൽ രഞ്ജിത്ത് (23) നെയും കോടനാട് വേങ്ങൂർ മുടക്കുഴ വേലൻ പറമ്പിൽ വീട്ടിൽ അനന്തു വിജയനെയുമാണ് (44) ആറ് മാസത്തേക്ക് നാട് കടത്തിയത്.
ജില്ലാ പോലീസ് മേധാവി ഡോ. വൈഭവ് സക്സേനയുടെ റിപ്പോർട്ടിന്റെ അടിസ്ഥാനത്തിൽ എറണാകുളം റേഞ്ച് ഡി ഐ ജി പുട്ട വിമലാദിത്യയാണ് ഉത്തരവിട്ടത്.
നെടുമ്പാശ്ശേരി, ചെങ്ങമനാട്, കാലടി, അയ്യപ്പുഴ പോലീസ് സ്റ്റേഷൻ പരിധികളിൽ കൊലപാതകശ്രമം, കഠിനദേഹോപദ്രവം, മോഷണം, തെളിവ് നശിപ്പക്കൽ ഭീഷണിപ്പെടുത്തൽ, ന്യായ വിരോധമായി സംഘം ചേരൽ തുടങ്ങി നിരവധി കേസുകളിൽ പ്രതിയാണ്.
കഴിഞ്ഞ മാർച്ചിൽ നെടുമ്പാശ്ശേരി പോലീസ് രജിസ്റ്റർ ചെയ്ത കൊലപാതക ശ്രമക്കേസിൽ പ്രതിയായതിനെ തുടർന്നാണ് അനന്തു വിജയനെതിരെ നടപടി എടുത്തത്.
കോടനാട്, എറണാകുളം റെയിൽവേ പോലീസ് സ്റ്റേഷൻ പരിധികളിൽ കൊലപാതക ശ്രമം, ന്യായവിരോധമായി സംഘം ചേർന്ന് മാരക ആയുധങ്ങളുമായി അടിപിടി ഉണ്ടാക്കുക, മയക്ക് മരുന്ന് വിൽപ്പന, തുടങ്ങി നിരവധി കേസുകളിൽ പ്രതിയാണ് കഴിഞ്ഞ ഫെബ്രുവരിയിൽ കോടനാട് പോലീസ് രജിസ്റ്റർ ചെയ്ത അടിപിടിക്കേസിൽ പ്രതിയായതിനെ തുടർന്നാണ് നടപടി.
