അരൂക്കുറ്റി: വൃദ്ധ ദമ്പതികളെ വെട്ടിലാക്കി വാട്ടര്‍ അതോറിറ്റി. അരൂക്കുറ്റി പഞ്ചായത്ത് 9-ാം വാ ര്‍ഡ് നരിക്കാട്ട് വീട്ടില്‍ മനോഹരന്‍, ഭവാനി ദമ്പതികളെയാണ് 14,000 രൂപയുടെ ബില്ല് നല്‍കി പ്രതിസന്ധിയിലാക്കിയത്. 75 കഴിഞ്ഞ ഇവര്‍ക്ക് ക്ഷേമ പെന്‍ഷന്‍ മാത്രമാണ് വരുമാനം. രണ്ട് പെണ്‍മക്കളേയും വിവാഹം ചെയ്തു അയച്ചു. ബിപിഎല്‍ കുടുംബമായതിനാല്‍ വാട്ടര്‍ അതോറിറ്റിക്ക് ഇതുവരെ പണം അടക്കേണ്ടി വന്നിട്ടില്ല. ഒരു ദിവസം പരമാവധി 20 ലിറ്റര്‍ വെള്ളമാണ് ഉപയോഗിക്കുന്നതെന്ന് മനോഹരന്‍ പറയുന്നു.
ഉച്ചയ്‌ക്ക് കാരുണ്യ പ്രവര്‍ത്തകര്‍ കൊടുക്കുന്ന പൊതിച്ചോറാണ് കഴിക്കുന്നത്. രാവിലേയും രാത്രിക്കും എന്തെങ്കിലും ഉണ്ടാക്കി കഴിക്കും. ബില്ല് കിട്ടിയതോടെ ഇനിയെന്ത് ചെയ്യുമെന്ന ആശങ്കയിലാണ് ഇവര്‍.
പ്രതികരിക്കാൻ ഇവിടെ എഴുതുക: