നന്ദമൂരി ബാലകൃഷ്ണ ചിത്രത്തിന്റെ ഷൂട്ടിംഗിനിടെ നടി ഉര്വശി റൗട്ടേലയ്ക്ക് ഗുരുതരമായ പരിക്ക്. സംഘട്ടനരംഗം ചിത്രീകരിക്കുന്നതിനിടെയാണ് അപകടം നടന്നത്. നടിയെ ഹൈദരാബാദിലെ സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണെന്ന് ഫ്രീ പ്രെസ് ജേണല് റിപ്പോര്ട്ട് ചെയ്തു.
ബാലകൃഷ്ണ നായകനാകുന്ന എന്ബികെ109 എന്ന് താല്ക്കാലികമായി പേരിട്ട ചിത്രത്തിന്റെ സെറ്റില്വെച്ചാണ് ഉര്വശി റൗട്ടേല അപകടത്തില്പ്പെട്ടത്. അപകട വിവരം ഉര്വശി റൗട്ടേലയുടെ ടീം സ്ഥിരീകരിച്ചു. എല്ലിന് പൊട്ടലുണ്ടെന്നും മികച്ച ചികിത്സയാണ് ഉര്വശിക്ക് നല്കി വരുന്നതെന്നും ടീം അറിയിച്ചിട്ടുണ്ട്.
ബാലകൃഷ്ണയെ നായകനാക്കി ബോബി കൊല്ലി സംവിധാനം ചെയ്യുന്ന ചിത്രമാണ് എന്ബികെ 109. ദുല്ഖര് സല്മാനും ചിത്രത്തില് ഒരു പ്രധാന വേഷത്തില് എത്തുന്നുണ്ട്. പ്രകാശ് രാജാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. സിതാര എന്റര്ടെയ്ന്മെന്റും ശ്രീകര സ്റ്റുഡിയോസും ചേര്ന്നാണ് ചിത്രം നിര്മ്മിക്കുന്നത്.
അതേസമയം, ഉര്വശിയുടെ അഞ്ചാമത്തെ തെലുങ്ക് ചിത്രമാണിത്. മോഡലിംഗ് രംഗത്ത് നിന്നും ബോളിവുഡില് എത്തിയ താരമാണ് ഉര്വശി. സിംഗ് സാബ് ദ ഗ്രേറ്റ് ആണ് ആദ്യ സിനിമ. നിരവധി ഹിറ്റ് ആല്ബങ്ങളില് ഉര്വശി അഭിനയിച്ചിട്ടുണ്ട്. ബാലകൃഷ്ണയ്ക്കൊപ്പം രണ്ടാമത്തെ ചിത്രത്തിലാണ് ഉര്വശി അഭിനയിക്കുന്നത്. ബാലയ്യയുടെ വാള്ട്ടയര് വീരയ്യ ചിത്രത്തില് ഉര്വശി അഭിനയിച്ചിരുന്നു.
