ന്യൂദല്‍ഹി: ജമ്മു കശ്മീരിലെ കത്വയില്‍ ഭീകരരും സൈന്യവും തമ്മില്‍ ഏറ്റുമുട്ടല്‍.5 സൈനികര്‍ വീരമൃത്യു വരിച്ചു. നാല് പേര്‍ക്ക് പരിക്കേറ്റതായാണ് വിവരം. ഏറ്റുമുട്ടല്‍ തുടരുകയാണ്.
കത്വ ജില്ലയിലെ മച്ചേഡി മേഖലയിലാണ് ഭീകരാക്രമണം. വൈകിട്ട് ഗ്രാമത്തിലൂടെ പെട്രോളിംഗ് നടത്തിയ സൈനികരുടെ വാഹന വ്യൂഹത്തിന് നേരെ ഭീകരര്‍ ഗ്രനേഡ് ഏറിയുകയും വെടിയുതിര്‍ക്കുകയും ചെയ്തു.
സൈന്യം ശക്തമായി തിരിച്ചടിക്കുന്നുണ്ട്. പ്രദേശത്ത് കൂടുതല്‍ സൈനികരെത്തിയിട്ടുണ്ട്.
കഴിഞ്ഞ ദിവസം രജൗരി, കുല്‍ഗാം മേഖലകളില്‍ ഭീകരാക്രമണം ഉണ്ടായിരുന്നു. രണ്ടിടങ്ങളിലുമായി രണ്ട് സൈനികര്‍ വീരമൃത്യു വരിച്ചു. ആറ് ഭീകരരെ സൈന്യം വധിക്കുകയും ചെയ്തു.
പ്രതികരിക്കാൻ ഇവിടെ എഴുതുക: