ഗായകന് പി. ജയചന്ദ്രന് തൃശൂരിലെ വീട്ടില് ശാന്തമായി, സ്വച്ഛമായി വിശ്രമത്തില് കഴിയുന്നു. പക്ഷെ ഏതോ ഒരു ഫോട്ടോ കാട്ടി പി. ജയചന്ദ്രന് കഠിനമായ രോഗം ബാധിച്ച് ശയ്യാവലംബിയായി ആശുപത്രിയില് കഴിയുന്നുവെന്ന് പുറത്ത് സമൂഹമാധ്യമങ്ങളില് വലിയ പ്രചാരണം. ആരായിരിക്കും ഈ വ്യാജപ്രചാരണത്തിന് പിന്നില്? ആര്ക്കും അറിയില്ല. പക്ഷെ ജയചന്ദ്രനായതുകൊണ്ട് ഈ വാര്ത്ത കാട്ടുതീ പോലെ കഴിഞ്ഞ ഏതാനും ദിവസങ്ങളായി സമൂഹമാധ്യമങ്ങളില് പ്രചരിക്കുകയായിരുന്നു.
സഹികെട്ട് ഭാര്യയും മകനും രംഗത്തെത്തി. പി. ജയചന്ദ്രന് വീട്ടില് സ്വസ്ഥമായി കഴിയുന്നു. പതിവായുള്ള ചില വാര്ധക്യസഹജമായ അസ്വാരസ്യങ്ങള് മാത്രമേയുള്ളൂ. അല്ലാതെ മരണശയ്യയിലെന്നതുപോലുള്ള പ്രചാരണം വെറും തട്ടിപ്പാണ്.
ഇക്കഴിഞ്ഞ മാര്ച്ച് 3ന് പി. ജയചന്ദ്രന് അദ്ദേഹത്തിന്റെ 80ാം പിറന്നാള് ആഘോഷിച്ചിരുന്നു. അതിന് ശേഷവും എത്രയോ ടിവി ഷോകളില്, സ്റ്റേജ് ഷോകളില് അദ്ദേഹം പങ്കെടുത്തു. പക്ഷെ പൊടുന്നനെയാണ് അദ്ദേഹം ആശുപത്രിയില് മരണാസന്നനായി കഴിയുന്നു എന്ന തരത്തില് ചിത്രങ്ങള് സഹിതം വാര്ത്ത എത്തിയത്. ഇതില് ഒരു വാസ്തവുമില്ലെന്ന് ഗായകന് കൂടിയായ മകന് പറയുന്നു.
