കോഴിക്കോട് : ജനത ഹോട്ടലിലെ സാമ്പാറില്‍ നിന്ന് പ്ലാസ്റ്റിക് കവര്‍ കണ്ടെത്തിയെന്ന പരാതിയെ തുടര്‍ന്ന് ആരോഗ്യ വകുപ്പ് ഹോട്ടല്‍ പൂട്ടിച്ചു. ഹോട്ടലില്‍ ഊണ് കഴിച്ചു കൊണ്ടിരുന്ന ആള്‍ക്കാണ് ഈ ദുരനുഭവമുണ്ടായത്.
സംഭവം ശ്രദ്ധയില്‍ പെടുത്തിയപ്പോള്‍ കടയിലെ ജീവനക്കാരന്‍ കുഴപ്പമില്ലെന്ന ലാഘവത്തോടെയുളള മറുപടിയാണ് നല്‍കിയത്. പ്‌ളാസ്റ്റിക് കവറല്ലേയെന്നും സാരമാക്കേണ്ടെന്നുമായിരുന്നു ഇയാള്‍ പറഞ്ഞത്. തുടര്‍ന്ന് ഊണ് കഴിക്കാനെത്തിയ ആള്‍ ആരോഗ്യ വകുപ്പിനെ വിവരം അറിയിക്കുകയായിരുന്നു.
കോഴിക്കോട് പുറമേരിയിലാണ് സംഭവം. പരാതി പ്രകാരം ആരോഗ്യ വകുപ്പ് നടത്തിയ പരിശോധനയില്‍ ഊണില്‍ നിന്നും പ്‌ളാസ്റ്റിക് കവര്‍ കണ്ടെടുത്തു. സംഭവത്തില്‍ സ്ഥാപനത്തിന് പിഴ ചുമത്തുമെന്നും അധികൃതര്‍ വ്യക്തമാക്കി.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: