തിരുവനന്തപുരം : ക്രിക്കറ്റ് പരിശീലനത്തിനെത്തുന്ന പ്രായപൂര്‍ത്തിയാകാത്ത പെണ്‍കുട്ടികളെ പരിശീലകന്‍ പീഡിപ്പിച്ചെന്ന പരാതിയില്‍ മനുഷ്യാവകാശ കമ്മീഷന്‍ കെ.സി.എ യോട് വിശദീകരണം ആവശ്യപ്പെട്ടു.ഇത്തരം സംഭവം ഉണ്ടാകാനിടയായ സാഹചര്യം വിശദീകരിക്കണമെന്നാണ് നോട്ടീസ്.
കമ്മീഷന്‍ സ്വമേധയാ എടുത്ത കേസിലാണ് നടപടി മാധ്യമവാര്‍ത്തകളുടെ അടിസ്ഥാനത്തിലാണ് മനുഷ്യാവകാശ കമ്മീഷന്‍ കേസെടുത്തത്.പീഡന കേസില്‍ പ്രതിയായ മനു കഴിഞ്ഞ 10 വര്‍ഷമായി കെ.സി.എ യില്‍ കോച്ചാണ്. തെങ്കാശിയില്‍ കൊണ്ടുപോയി കുട്ടികളെ പീഡിപ്പിെച്ചന്ന് പരാതിയുണ്ട്. ഇയാള്‍ പോക്സോ കേസില്‍ പ്രതിയായി റിമാന്റിലാണ്. കുട്ടികളുടെ നഗ്‌ന ചിത്രം പകര്‍ത്തിയെന്നും ഇയാള്‍ക്കെതിരെ ആരോപണമുണ്ട്.
എന്നാല്‍ കേരള ക്രിക്കറ്റ് അസോസിയേഷന്‍ ഇക്കാര്യങ്ങളൊന്നും അറിഞ്ഞില്ലെന്നാണ് പറയുന്നത്. ഒരു പെണ്‍കുട്ടി പരാതിപ്പെട്ടതോടെ കൂടുതല്‍ കുട്ടികള്‍ പരാതി നല്‍കുകയായിരുന്നു.
പ്രതികരിക്കാൻ ഇവിടെ എഴുതുക: