പട്ന: സംസ്ഥാനത്ത് അടുത്തിടെ പാലം തകർന്നതിന്റെ തുടർച്ചയായ സംഭവങ്ങളുമായി ബന്ധപ്പെട്ട് 15 എഞ്ചിനീയർമാരെ ബീഹാർ സർക്കാർ വെള്ളിയാഴ്ച സസ്പെൻഡ് ചെയ്തതായി മുതിർന്ന ഉദ്യോഗസ്ഥൻ അറിയിച്ചു. അന്വേഷണ സംഘം ജലവിഭവ വകുപ്പിന് (ഡബ്ല്യുആർഡി) റിപ്പോർട്ട് സമർപ്പിച്ചതിനെ തുടർന്നാണ് തീരുമാനം.
കഴിഞ്ഞ 17 ദിവസത്തിനിടെ സിവാൻ, സരൺ, മധുബാനി, അരാരിയ, ഈസ്റ്റ് ചമ്പാരൻ, കിഷൻഗഞ്ച് ജില്ലകളിലായി 10 പാലങ്ങൾ തകർന്നതായി അധികൃതർ അറിയിച്ചു. എഞ്ചിനീയർമാർ അശ്രദ്ധരാണെന്നും നിരീക്ഷണം കാര്യക്ഷമമല്ലെന്നും റിപ്പോർട്ടിൽ കണ്ടെത്തി, ഇതാണ് സംസ്ഥാനത്തെ ചെറിയ പാലങ്ങളും കോസ്വേകളും തകർച്ചയ്ക്ക് പിന്നിലെ പ്രധാന കാരണമെന്ന് ഡബ്ല്യുആർഡി അഡീഷണൽ ചീഫ് സെക്രട്ടറി ചൈതന്യ പ്രസാദ് മാധ്യമപ്രവർത്തകരോട് പറഞ്ഞു.
സസ്പെൻഡ് ചെയ്യപ്പെട്ടവരിൽ നാല് എക്സിക്യൂട്ടീവ് എഞ്ചിനീയർമാരും ഉൾപ്പെടുന്നു. അരാരിയ ജില്ലയിൽ പാലം നിർമാണത്തിൽ ഏർപ്പെട്ട കരാറുകാരനെ കരിമ്പട്ടികയിൽ പെടുത്താനുള്ള നടപടി റൂറൽ വർക്ക്സ് വകുപ്പ് ആരംഭിച്ചിട്ടുണ്ട്. അന്വേഷണം പൂർത്തിയാകുന്നതുവരെ കരാറുകാരന്റെ/സ്ഥാപനത്തിന്റെ മുൻ ജോലികൾക്കുള്ള പണമടയ്ക്കലും വകുപ്പ് നിർത്തിവച്ചിട്ടുണ്ടെന്ന് ആർഡബ്ല്യുഡി അഡീഷണൽ ചീഫ് സെക്രട്ടറി ദീപക് കുമാർ സിംഗ് പറഞ്ഞു.
കൂടാതെ, ജൂൺ 23 ന് കിഴക്കൻ ചമ്പാരനിലും ജൂൺ 26 ന് മധുബനിയിലും പാലങ്ങൾ തകർന്നതിന് ബന്ധപ്പെട്ട ഉദ്യോഗസ്ഥരോട് വകുപ്പ് വിശദീകരണം തേടിയിട്ടുണ്ട്. ഈ രണ്ട് ജില്ലകളിലെ ആർഡബ്ല്യുഡി പാലങ്ങളുടെ തകർച്ചയെക്കുറിച്ച് അന്വേഷണത്തിന് ഉത്തരവിട്ടിട്ടുണ്ടെന്നും സിംഗ് പറഞ്ഞു. പാലം തകർച്ചയെ കുറിച്ച് അഭിപ്രായപ്പെട്ട ആർജെഡി നേതാവ് തേജസ്വി യാദവ് മാധ്യമപ്രവർത്തകരോട് പറഞ്ഞു:
അതേ സമയം സർക്കാരിനെ കാരണമില്ലാതെ വിമർശിച്ച തേജസ്വി യാദവിനെ കേന്ദ്രമന്ത്രിയും എൻഡിഎയുടെ സഖ്യകക്ഷിയായ ഹിന്ദുസ്ഥാനി അവാം മോർച്ചയുടെ (സെക്കുലർ) സ്ഥാപകനുമായ ജിതൻ റാം മാഞ്ചി വിഷയം രാഷ്ട്രീയവത്കരിക്കരുതെന്ന് പറഞ്ഞു. കുറ്റക്കാരെന്ന് കണ്ടെത്തിയവർക്കെതിരെ കർശന നടപടിയെടുക്കാൻ നമ്മുടെ മുഖ്യമന്ത്രി ഇതിനകം തന്നെ വകുപ്പിലെ മുതിർന്ന ഉദ്യോഗസ്ഥർക്ക് കർശന നിർദ്ദേശം നൽകിയിട്ടുണ്ടെന്നും അദ്ദേഹം പറഞ്ഞു.
ബിഹാറിലെ എൻഡിഎ സർക്കാർ വിഷയം വളരെ ഗൗരവമായി എടുത്തിട്ടുണ്ട്, തെറ്റ് ചെയ്ത ഉദ്യോഗസ്ഥർക്കും കരാറുകാർക്കും എതിരെ നടപടി ആരംഭിച്ചിട്ടുണ്ടെന്ന് എൻഡിഎയുടെ മറ്റൊരു സഖ്യകക്ഷിയായ ലോക് ജനശക്തി പാർട്ടി (രാം വിലാസ്) തലവൻ ചിരാഗ് പാസ്വാൻ കൂട്ടിച്ചേർത്തു.
