ഹരാരെ : ഇന്ത്യ- സിംബാബ്വെ അഞ്ച് മത്സരങ്ങളുടെ ടി20 പരമ്പരയിലെ ആദ്യ മത്സരം നാളെ ഹരാരെയില്. പ്രധാന താരങ്ങള്ക്ക് എല്ലാം വിശ്രമം നല്കി ഗില്ലിനെ ക്യാപ്റ്റന് ആക്കിയാണ് ഇന്ത്യ കളിക്കുന്നത്.
നാളത്തെ മത്സരത്തില് ഗില്ലും അഭിഷേക് ശര്മ്മയും ആകും ഓപ്പണര്മാര്. അഭിഷേക് ശര്മ്മയുടെ അരങ്ങേറ്റം ആകും മത്സരം. കഴിഞ്ഞ ഐ പി എല്ലില് സണ് റൈസേഴ്സ് ഹൈദരാബാദിന് വേണ്ടി വെടിക്കെട്ട് പ്രകടനം നടത്തിയിട്ടുണ്ട് അഭിഷേക്.
ഋതുരാജ് ഗെയ്ക്വാദ് മൂന്നാമനായി ക്രീസിലെത്തും. അഭിഷേക് ശര്മ്മയെ കൂടാതെ, റിയാന് പരാഗ്, ധ്രുവ് ജുറെല്, തുഷാര് ദേശ്പാണ്ഡെ, ബി. സായ് സുദര്ശന്, ഹര്ഷിത് റാണ എന്നിവരുടെയും അരങ്ങേറ്റം ഈ പരമ്പരയില് ഉണ്ടാകും എന്നാണ് കരുതുന്നത്.
