കൊച്ചി: മുത്തലാഖ് ചൊല്ലി യുവതിയെ ഉപേക്ഷിച്ചതായി പരാതി. ഫോര്‍ട്ട് കൊച്ചി പനയപ്പള്ളി സ്വദേശിക്കെതിരെയാണ് യുവതി പരാതി നല്‍കിയത്. പരാതിയില്‍ മട്ടാഞ്ചേരി പോലീസ് കേസെടുത്തു.
രജിസ്ട്രേഡ് കത്തിലൂടെയാണ് തലാഖ് ചൊല്ലിയത്. മുസ്ലിം വ്യക്തി നിയമപ്രകാരം സാക്ഷികളുടെ സാന്നിധ്യത്തില്‍ ബന്ധം തലാഖ് ചെയ്ത് വേര്‍പ്പെടുത്തിയതായാണ് കത്തില്‍ പറയുന്നത്.
പിന്‍വലിക്കാന്‍ പറ്റാത്ത തരത്തിലുള്ള മുത്തലാഖാണ് ചെയ്തിരിക്കുന്നത്. ഒന്നാം തീയതിയാണ് കത്ത് കിട്ടിയത്. പൂര്‍ണ്ണമായും ഒരു ബന്ധവും ഇല്ലെന്നാണ് കത്തില്‍ പറയുന്നത്. ആള്‍ക്ക് ചില പ്രശ്നങ്ങള്‍ ഉള്ളതുകൊണ്ട് മാറിത്താമസിക്കുകയായിരുന്നു. അതില്‍ ഒരു കേസും നിലനില്‍ക്കുന്നുണ്ടെന്നും യുവതി പറഞ്ഞു.
യുവതി നിരവധി തവണ ഗാര്‍ഹിക പീഡനത്തിന് ഇരയായിട്ടുണ്ട്. ഇതിനെ തുടര്‍ന്നാണ് ഭര്‍ത്താവുമായി വേര്‍പിരിഞ്ഞ് മാറി താമസിച്ച് വന്നത്. ഇതിനിടയാണ് തലാഖ് ചൊല്ലി എന്നുള്ള കത്ത് അയക്കുന്നത്. മുത്തലാഖ് നിരോധിച്ചതിനു ശേഷം കേരളത്തില്‍ രജിസ്റ്റര്‍ ചെയ്യുന്ന മൂന്നാമത്തെ കേസാണിത്.
പ്രതികരിക്കാൻ ഇവിടെ എഴുതുക: