അദ്വാനിയെ അപ്പോളോ ആശുപത്രിയിൽ നിന്ന് ഡിസ്ചാർജ് ചെയ്തു

ന്യൂദൽഹി : മുതിർന്ന ബിജെപി നേതാവ് ലാൽ കൃഷ്ണ അദ്വാനിയെ ഇന്നലെ രാത്രി അപ്പോളോ ആശുപത്രിയിൽ നിന്ന് ഡിസ്ചാർജ് ചെയ്തു. 96 കാരനായ നേതാവ് സരിതാ വിഹാറിലെ അപ്പോളോ ആശുപത്രിയിൽ രാത്രി 9 മണി വരെ ഡോ. വിനിത് സൂരിയുടെ നിരീക്ഷണത്തിലായിരുന്നു.

നേരത്തെ, ബിജെപി നേതാവിനെ ജൂൺ 26 ന് ന്യൂദൽഹിയിലെ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിൽ (എയിംസ്) പ്രവേശിപ്പിക്കുകയും മെഡിക്കൽ ഇൻസ്റ്റിറ്റ്യൂട്ടിലെ രാത്രി ചികിത്സയ്‌ക്ക് ശേഷം ഡിസ്ചാർജ് ചെയ്യുകയും ചെയ്തു.

2002 മുതൽ 2004 വരെ പ്രധാനമന്ത്രി അടൽ ബിഹാരി വാജ്‌പേയിയുടെ നേതൃത്വത്തിലുള്ള എൻഡിഎ സർക്കാരിൽ അദ്വാനി ഉപപ്രധാനമന്ത്രിയായിരുന്നു. ഈ വർഷം മാർച്ചിൽ രാഷ്‌ട്രപതി ദ്രൗപതി മുർമു അദ്ദേഹത്തിന് ഭാരതരത്‌ന നൽകി ആദരിച്ചു.