തൃശ്ശൂര്‍: സ്വകാര്യ ചടങ്ങുകളുടെ ഉദ്ഘാടനത്തിന് വിളിക്കുന്നവര്‍ എംപി എന്ന നിലയില്‍ തന്നെക്കൊണ്ട് ഉദ്ഘാടനം ചെയ്യിക്കാമെന്ന് കരുതേണ്ട എന്ന് കേന്ദ്ര മന്ത്രി സുരേഷ് ഗോപി.
നടന്‍ എന്ന നിലയിലാകും ഉദ്ഘാടനത്തിന് എത്തുക. അതിന് പ്രതിഫലവും നല്കണം. ഈ പ്രതിഫലം പൂര്‍ണമായും അര്‍ഹരായവരെ സഹായിക്കാനാകും ഉപയോഗിക്കുക എന്നും സുരേഷ് ഗോപി പറഞ്ഞു. തൃശ്ശൂരിലെ വിവിധ സ്ഥലങ്ങളില്‍ എന്‍ഡിഎ പ്രവര്‍ത്തകര്‍ നല്കിയ സ്വീകരണങ്ങളില്‍ പങ്കെടുത്ത് സംസാരിക്കവെയാണ് സുരേഷ് ഗോപി ഇക്കാര്യം വ്യക്തമാക്കിയത്.
തുടര്‍ന്നും സിനിമകളില്‍ അഭിനയിക്കും. കിട്ടുന്ന ശമ്പളത്തിന്റെ ഒരു വിഹിതം സേവനപ്രവര്‍ത്തനങ്ങള്‍ക്ക് മാറ്റിവെക്കുന്നുണ്ട്. സമൂഹത്തിനും ജനങ്ങള്‍ക്കും ഉപകാരപ്രദമാകുന്ന കാര്യങ്ങള്‍ക്കായി പണം ഇനിയും ചെലവഴിക്കുമെന്നും സുരേഷ് ഗോപി പറഞ്ഞു.
പ്രതികരിക്കാൻ ഇവിടെ എഴുതുക: