ന്യൂദല്ഹി: പ്രവാസി ലീഗല് സെല്ലിന്റെ ഈ വര്ഷത്തെ വിവരാവകാശ പുരസ്കാരം കേരള വിവരാവകാശ കമ്മിഷണര് ഡോ. എ.എ. ഹക്കിമിന്.
ലോകത്തെവിടെയുമുള്ള പ്രവാസികളുടെ നിയമ സഹായത്തിനും ക്ഷേമത്തിനും വിവരാവകാശ നിയമത്തിന്റെ പ്രചാരത്തിനും ദല്ഹി ആസ്ഥാനമായി പ്രവര്ത്തിക്കുന്ന അന്താരാഷ്ട്ര സംഘടനയായ പ്രവാസി ലീഗല് സെല്ലിന്റെ പ്രഥമ വൈസ് പ്രസിഡന്റ് കെ. പത്മനാഭന്റെ സ്മരണാര്ത്ഥമാണ് പുരസ്കാരം.
റിട്ട.ജഡ്ജി ജസ്റ്റിസ് സി.എസ്. രാജന് അധ്യക്ഷനും ആര്ടിഐ ആക്ടിവിസ്റ്റും ഉപഭോക്തൃ കമ്മിഷന് പ്രസിഡന്റുമായ ഡി.ബി. ബിനു, ചാവറ കള്ച്ചറല് സെന്റര് ഡയറക്ടര് ഫാ. അനില് ഫിലിപ്പ് എന്നിവര് അംഗങ്ങളുമായ ജൂറിയാണ് പുരസ്കാരം നിര്ണയിച്ചത്. പ്രശസ്തി പത്രവും ശില്പവും ക്യാഷ് അവാര്ഡ് ഒഴിവാക്കിയുമുള്ള പുരസ്കാരം ആഗസ്തില് കേരളത്തില് നടക്കുന്ന ചടങ്ങില് സമ്മാനിക്കുമെന്ന് പ്രവാസി ലീഗല് സെല് ഗ്ലോബല് പ്രസിഡന്റ് അഡ്വ. ജോസ് ഏബ്രാഹാം അറിയിച്ചു.
