വാരാണസി: മകൻ അനന്ത് അംബാനിയുടേയും ഭാവിമരുമകള് രാധിക മർച്ചന്റിന്റേയും വിവാഹ ക്ഷണക്കത്ത് കാശി വിശ്വനാഥ ഭഗവാന് മുന്നിൽ സമർപ്പിച്ച് അനുഗ്രഹം തേടി റിലയൻസ് ഫൗണ്ടേഷൻ ചെയർപേഴ്സൺ നിത അംബാനി. വാരണസിയില് എത്തിയ നിത അംബാനി ക്ഷേത്രദർശനം നടത്താനും വിവാഹ ക്ഷണക്കത്ത് ഭഗവാന് മുന്നിൽ സമർപ്പിക്കുകയും ചെയ്യാന് നേരിട്ട് എത്തിയിരുന്നു.
”പത്ത് വർഷം മുൻപാണ് ഞാൻ ഇവിടെ അവസാനമായി വന്നത്. ഇന്നിപ്പോൾ ഗംഗാ ആരതി നടക്കുമ്പോൾ വീണ്ടും ഇവിടെ എത്താൻ സാധിച്ചു. ദൈവീകമായ അന്തരീക്ഷത്തില് മനസ് വളരെ ശാന്തമാകുന്നത് അറിയാൻ കഴിയുന്നുണ്ട്. അനന്തിന്റേയും രാധികയുടേയും വിവാഹ ക്ഷണക്കത്ത് ഭഗവാന് മുന്നിൽ സമർപ്പിക്കാനാണ് ഇവിടെ എത്തിയത്.” – നിത അംബാനി തന്നെക്കണ്ട മാധ്യമപ്രവര്ത്തകരോട് പറഞ്ഞു.
വാരണസിയിലെ വികസനത്തെയും അവര് പ്രകീര്ത്തിച്ചു. ജൂലൈ 12ന് അനന്തിന്റേയും രാധികയുടേയും വിവാഹച്ചടങ്ങുകൾ ആരംഭിക്കും.
